فيسبوك
واتساب
الحلقة مالهــا كــــــده بتضيق
كـل فريق طمعان فــى فريق
أيه اللى حاصل ايه يا شٍقيق
مالها الأمانة ومالها النخوة
صلاتك مش مانعه المُنكر
طعم الحــــرام حلو مسكر
مــــن غير ما تسأل وتفكر
حق البشر واكله فى دروة
شعارات كذابة و مفضوحة
والممنوعات لك مسـمـوحة
الصـــــدق كلمته مبحوحـة
والكبر واضــــح وبـقـوة
سلام سلام ألف سلامه
يرحم سنينك يا شهامة
الظلم له ألـــف علامة
والآه بتحرق من جوه
غٍلبت ادور مش لاقي
فتافيت او حتى بواقي
من الأصول حالنا شراقي
والفٌرقة زادت والقسوة
لينا رب اسمه كريم
عظيم ولا زيه عظيم
عنده وحدة التكريم
لا من قرايب ولا إخوة
