فيسبوك
واتساب
وفرحة
تِجِيلك النّهاردة
بَسّ خايْف
خَايْف ما أقدرش
على بُعْدَك..!
خَايْف ييجى بُكْرا
غَصْب عنّي
مِنّى ياخْدَكْ..!
وتِنْسى إنّى أنا
أنا اللى بحبّك..؟
ولمّا رُوحى تِسْألني
يِجاوبنى دَمْعكْ..!
أنْجَرِح وأندم
على كُلّ يُوم
كُنت جَنْبَك..!
على كُلّ لَحْظة
بتموت رُوحي
وهِىّ بتروح لِك
وفيها سِيبتك..!
بسّ كنت عاوز لِك
أكْتَر من الحُبّ
فِ عُمْرِ شَايْلك..!
ومن الربّ إتمنّيت
الجَنّة مَهْرَك..!
حتى لو
لو فِ حُضْنِ غِيري
لاقيتِ سَعْادتك..!
،،،،
وفِ غَفْلة نِسيت
إنّك كُلّ الدّنيا
مِشْ بزمان ولامكان
ولا ليه أنا..؟
ولا ليه إنْتَّ..؟
الدُّنيا ياحبيبي
نَبْضَة فِ قلبك..!
والفَرْحة كانت إنْتَّ
إنْتَّ فِ قُربكْ..!
مِشْ مِحْتاج أدوّر
ولا أسْأل:
إمْتى تِيجي..؟
ولا إيه هيّ..؟
الفَرْحة هِى (إنّك)
ياحبيبى بَسّ
الفَرْحَة هِىّ (إنّك)..!
.....
