ياريت تدينى من وقتك
كمان ساعتين
وتفتحلى دولاب أشواقك المقفول
هلملم بس كام ذكرى
وأطبطب برضه على بكرة
وأقوله سامحنى مقدرتش
يبات حلمى معاه مقتول
وهاخد برضه كام نظرة
وكام فرحة وكام ضحكة
عشان قلبى يتيم الحزن
يوم صدق
بإن هوانا كان كحكة
فكان لازم يكون عجبة
وشىء اكبر من المعقول
وانا مسامحة
على الحب اللى كان عهدي
ومتعداش يدوب عندك حدود القول
أنا مسامحة
على باب اللقا اللى اترد
على القسوة ف ليل الصد
على الشوك اللى مداري
ف ملامح ورد
وساب السم جوايا وبات مسلول
خلاصة القول
أنا ماشية
لكن سايبة
على حيط الأمل مسمار
هيبقى حجتى دايما
ولو هضعف ف يوم مثلا
ولو هنهار
هخبط تانى على بابك
والاقى حبى ع الجدران
مشقق فيها ومعلم
هقولك برضه معلش
نسيت اخد زمان روحي
ونرجع تانى نتكلم
عدد الردود 0
بواسطة:
wael
جميله بجد
اول مره اقرء حاجه من شعر القراء وتشدنى موفقه