سيب اللى سابك هو ده العادى
وإياك تتبت ف اللى مش راضى
حبل الوداد على قد ما بيوصل
على قد ما بيجرح من مسكته ايادي
وكتير بتوجع شدته الهيبة
خط البياض قلبي..وادى الفراق الوان
مين يصبغ الاحزان ويلون الشيبة
كتر البكا بيعلم القسوة
كتر الرضا بيورث الخيبة
والبعد احيانا بيصحى ف الاموات
ف قلوب بتنبض بس ف الغيبة
قالوا البعيد ع العين م الروح اكيد ابعد
وهقولها بس لمين ..كتر اللقا يبعد
والورد لو يتسقى طول المدى يزهد
مين علم اللبلاب يمد طرفه بعيد
لولا الحيطان عالية ما امتد تكعيبة
ياللى ابتليت بفراق القسوة مش عيبة
انا بلوتى اللى اشد..قلب انقسم طيبة
