مختلفناش
ولا اتفقنا
كل ما فيها إننا
بالطريقة المُمكنه
محبناش
مختلفناش
هيا حبت،
وبرضو سابت
هيا غدرت،
وغابت
فين الحكمة بقا
من حب متنساش؟
مختلفناش
هتلاقى وحدة تانية
أحلى .. فـ الروح والملامح
طيب ليه مش عارف تنسى
ولا قادر تسامح
فين الرحمة وأنت
بـ دكاترة النفسية
والأدويه والمسكنات
وبكل محاليل النسيان
منستهاش
مختلفناش
هتلاقى فى كل وحدة تانية روحها فيها
وأنت برضو لسه بتشوف الدنيا بعنيها
وأنت المغفل لأنك
لسه عايش وهيا سابت
ماضى بقى ميخصهاش
مختلفناش
بالله والأيمانات
التفانى والمثالية
ومزح الضعف بالقوة
وكى الجرح من جوه
دى فضيلة
فى دير الخطايا
لشيطان معملهاش
مختلفناش
ح تصالح الدنيا وتتجوز
وتكبر مع عيالك وتعجز
لكن ف قلبك ساكنه
وحده كان نفسك تكون لآخر الدنيا معاك
وأنت ف آخرها
ولسه حلمك مابتداش
مختلفناش
انت اوفى ،
انت اصدق قلب دق فـ الوجود
وانت برضو ،
قفل صدى وكنز بالاحزان مرصود
ذنب ايه الحب يهرب
من عيونك،
وتهرب من قلب عايز يصونك
ليه توفى لناس طبعها ،
حتى الذكرى متوفيهاش
مختلفناش
وحتى لو اختلفنا
فى الفروق هبات
وف الوفق علامات
ح تخسر
لكن هتكسب
حاجات
مخسرتهاش
هنختلف
خليك مشغل الغباء
وانتحر وموت ف خوفك بالبطىء
من فينا صادف ذكاء
قرر يعاود آخر الطريق
هنختلف
خليك كده محلك سر
لا غرقان ولا واصل للبر
لا عارف تعدى الأزمه
ولا مستكفى بنص الحاله
وعايشها بكل تفاصيلها
وبتوصلها لآخر الدنيا
وتبص متلقيهاش
هنختلف
أو مختلفناش
دى مش القضية ومتنسهاش
خليك اكبر من امتحان وابتلاء
العبد لازم
يقرب من الموت
عشان يقدر حلاوة الحياة
تم أضافة تعليقك سوف يظهر بعد المراجعة