بجوار مسجد الطاهرات بمدينة بلبيس بمحافظة الشرقية، بالطابق الثانى بأحد العقارات، تعيش أسرة بسيطة لديها 7 أطفال، ملامحهم مرسوم عليها الشقاء من الصغر، أربعة منهم يعملون فى جمع القمامة وغير ملتحقين بالمدارس، الفقر كان أقوى منهم، وظروف والدهم الصعبة دفعتهم للتنقل من سكن إلى آخر، خشية من ارتفاع سعر الإيجار للبحث عن سكن بإيجار يناسب ظروفهم.
يقول فؤاد محمود السيد 46 سنة عامل باليومية، مقيم مركز بلبيس بمحافظة الشرقية، أعمل عاملا باليومية، ورزقنى الله بسبعة أطفال، "هى جت كدا" لكن دا رزق من ربنا، وبحاول أبحث عن عمل جديد لكى أنفق علهم، وهم كل من "محمود" 14 سنة و" محمد" 13 سنة، و"أحمد" 11 سنة و" سندس" 6 سنوات، و" حسن" 5 سنوات، و" رحمة" 3 سنوات و" مي" 5 شهور، لكن ظروفى منعتنى من إلحاقهم بالمدارس فلا يوجد أحد بهم بالمدارس، لكن العام القادم، سوف أقدم ل" سندس" إن شاء الله، لكن الحياة صعبة علينا، وعمرنا ما طلبنا شىء من أحد، غير من الله.
وأضاف: كل مشكلتى فى الحياة هى البحث عن شقة تلمنى أنا وعيالي، وخاصة بعد معاناة من السكن بالإيجار.
وقالت الزوجة: "أحلامنا بسيطة مش عايزين حاجة فى الدنيا غير شقة تلمنا أنا وزوجى وأطفالي، وغسالة أغسل عليها لأنى بغسل على أيدي، ولا يوجد لدينا ثلاثة ولا بوتوجاز، كل شىء مقدور عليه، لو ربنا كرمنا بشقة من المحافظة، وأحنا ناس غلابة عمرنا ما نعرف نوصل نقابل المحافظ لكى نقدم طلب للحصول على شقة، وعيشتنا صعبة والله السكن المقيمين فيه ضيق علينا وبنام كلنا فى غرفة واحدة، أو فى الصالة، بس هنعمل أيه".
وناشدت الأسرة وأطفالها المسئولين بمحافظة الشرقية بمنحهم وحدة سكانية، وعمل كشك للأب، بعد دراسة حالتهم والتأكد من كلامهم، حتى تتمكن إلحاق الأطفال بالمدارس وتدخل الباقين الفصل الواحد، لكى يتمكنوا من التعليم والعيش مثل الأطفال فى سنهم، للتواصل مع الحالة الاتصال بـ01284193698
عدد الردود 0
بواسطة:
نرمين
اية المشكلة ؟
مش احسن ما يشحتوا على الاقل بيقللوا الزبالة فى الشارع
عدد الردود 0
بواسطة:
منين نجيب الصبر
والله العظيم حرام قلوبنا مش مستحملة الواحد بيموت فى اليوم مليون مرة من قراءة الألاف من هذة الحالات
اللقمة بتقف فى الزور والمية مش عاوزة تنزل والنوم مجافى العين ومفيش اى اخبار تفرح ولا توجد حلول سريعة والاطفال بتتشرد ومع الفقر والعوذة وضيق ذات اليد يصبحون مشروع اطفال ضايعة يلجئون الى كل ماهو غير قانونى من اجل لقمة العيش وهنا مش فارقة معاهم حلال ولا حرام والمجتمع عندة حق لو قال واحنا مالنا محدش قال لة هات عيال والدولة تصرف عليهم--سواء هو او لمن فى مثل حالتة--بس الراجل لم يطلب شيئ مستحيل ولم يطلب مرتب شهرى كل اللى طلبة شقة تلمة هو وعيالة وزوجتة وكشك يسترزق منة--اعتقد بان هذة المطالب وتلك المشكلة وما شابهها من أولويات السيد المحافظ وتلبيتها ليست درب من المستحيل--وهذا يعتبر مشروع نواة لتجنب كارثة حقيقية مستقبلا لقدر الله وانعكست الامور على هذة الاسرة--ناهيكم عن كون هذا المنظر يسئ الى وجة الحضارة المصرية فنحن الان فى القرن ال21 وميصحش ان يوجد بيننا من هم محتاجين للمساعدة ولا نقدمها لهم--الشهادة لله الصور اعلاة تمزق القلب تمزيقا--فهؤلاء الاطفال مكانهم الطبيعى هو مقاعد محترمة فى مدارس للدراسة --من اجل العلم الذى هو معيار تقدم الشعوب وليس جمع القمامة--والذى ومن وجهى نظرى عملا شريفا ويكفية بانة لم يلجأ الى السرقة او البلطجة من اجل العيش حتى وان فرضيا حصل فيجب الاخذ بيدة واعطاؤة الفرصة من اجل عيش كريم--ياريت على الضهرية كدة ولا العصرية نسمع بان السيد المحافظ مع احد رجال الاعمال مدوا يديهم وساعدوا هذة الاسرة المنكوبة وليجزيهم الله خيرا
عدد الردود 0
بواسطة:
مجدى
أرانب
بيعرفوا ينجبوا أطفال و علشان يربوهم بيتسولوا عليهم هل هؤلاء لم يحتسبون من أهل الغباء و الجهل
عدد الردود 0
بواسطة:
إيهاب
أفواه وارانب
الارانب ارحم من هذة العقربة. حسبي الله ونعم الوكيل
عدد الردود 0
بواسطة:
Moon
أشكال ضالة لا تستحق شئ...
مأساة أسرة!!!!!!! دى مأساتى أنا كمواطنة محترمة انى أعيش مع الناس دى... أحنا نشقى ونتلعلم ونشتغل وندفع ضرائب وهم جهل وبلطجة وتهرب من الضرائب وفى الأخر شحاتة كمان!!!! يخلفوا 7 ليه ماداموا عواطلية ومعهمش!!!!!! عشان يزودوا البلطجية اللى ماليين الشوارع مصر... والله حرام أى حد يعبرهم وهو الصح أنه يلموا كرتون ويشتغلوا خدامين ما دام بدون أى مؤهلات... هو ده العدل....
عدد الردود 0
بواسطة:
حاتم
بيعرفوا يخلفوا بس انما شغل لاء
النوعية دي من البشر ما تستاهلش اي مساعدة ، يخلفوا سبعة لية و هما مش لاقيين ياكلوا و لا حتي عندهم حتة تتاويهم ، خليهم حيفضلوا يشحتوا طول عمرهم
عدد الردود 0
بواسطة:
ضد المجرمين
اتقوا الله
الى كل المعلقين اتقوا الله فى الاطفال ليس لهم اى ذنب ان تقل خيرا او لتصمت
عدد الردود 0
بواسطة:
khaled soudi
مطلوب عمل زكاه العيال .
وسبعه ليه يا حبيبي لسه بدري لما تكملهم دسته ونصف نبقي نشوف ونبعتلك زكاه العيال .
عدد الردود 0
بواسطة:
مصطفى حنفى
طن الكرتون الزبالة يباع بألفن وخمسمائة جنيه
عندى دكان وجانى واحد عاوز يأجرها علشان يجمع فيها الكرتون من السريحة ورفضت تسكينه لانها تعتبر قمامة وأكد لى أنه يبيع الطن لشركات الصناعات اتلتحويلية بالفان وخمسمائة جنية - الحكاية طمع فى حنية المحافظين وأهل الخير يمكن حد يجن ويديهم شقة