فيسبوك
واتساب
مصر يا حبى يا نور العين
شعبك واحد مش اتنين
اخوة ووحدة ليوم الدين
مُسلم ومينا دوله راجلين
بيصلوا ويعبدوا رب العالمين
ومن مية النيل شاربين
ومن الإرهاب مش خايفين
للجامع والكنيسة الاتنين رايحين
والمآذن مع الصلبان متعانقين
شوفوا يا ناس الوحدة والمحبة بين الاخين
شوفتم اللى حصل فى حلوان
عم صلاح انقض على الارهابى الجبان
والناس اتجمعت فى غمضة عين
وبالاحذية دهسوا الارهابى اللعين
طبعا مهو مش عارف المصريين
دوله رجال جدعان
وقت الشدة معدنهم بيبان
مع قائدهم وجيشهم واقفين
ده شعب مصر رجالة شجعان
وبالدم المصرى بيعرف يحمى الاوطان
اشهد يا تاريخ المسلم والقبطى اخوات من زمان
وشوف اللى حصل فى حلوان
البطولة والفدائية دايما فى شعبنا عنوان
