"بيعيط ومش عاوز ينام"، فى سنة أولى أمومة تحتار الماميز فى الطريقة الصحيحة لمساعدة طفلها على النوم الهادئ دون أرق أو بكاء مستمر، ولأن صحة طفلك تهمنا "اليوم السابع" هيقولك خطوة بخطوة " إزاى تنيمى البامبينو"، زى ما قالت لنا الدكتورة مروة مسعد أخصائى أطفال وحديثى الولادة، وذلك استكمالا لسلسلة فيديوهات "سنة أولى أمومة".
1ـ الأول لازم تكونى مرضعة البيبى كويس ومغيرة له البامبرز
2ـ اعملى له جو رومانسى وأنوار هادية وريحة حلوة وهدوء تام فى البيت
3ـ بلاش تلعبى معاه وتنبهيه قبل النوم على طول علشان متخليهوش يسهر
4ـ علشان تساعديه على النوم ممكن تعوديه على حاجة معينة يعملها كل يوم قبل ما ينام زى الاستحمام وسماع الموسيقى
5ـ قربى البيبى لحضنك وخلى إيدك تلمس شعره علشان يحس بالأمان
6ـ بعد ما يغمض عيونه وتتأكدى إنه نام، وضبى السرير بتاعه وشيلى منه كل الألعاب
7ـ نيمى البيبى على ظهره بهدوء، بعدها تقدرى تستغلى الوقت ده وتعملى أى حاجة كان نفسك تعمليها ومش عارفة بسبب النونو .
عدد الردود 0
بواسطة:
ahmed badr
اسلوبك جميل
اسلوب حضرتك جميل فى توصيل المعلومة خصوصا اننا كلنا بناعنى من المشكلة دى خصوصا مع اول طفل وفى السنين الاولى. شكرا