خالد صلاح

مينا جميل تكتب: أجمل لحظات

الإثنين، 29 يناير 2018 12:00 م
مينا جميل تكتب: أجمل لحظات فتاة سعيدة - أرشيفية
إضافة تعليق

أجمل لحظات بتعدى عليك

من كتر حلاها بتتبخر

وان كنت بترفض تتحرك

ف طبيعى سعادتك تتأخر

وطبيعى كمان إنك تخسر

علشان محاولتش م الأول

وطبيعى الفرح يغيب عنك

وطبيعى الحزن يكون أكبر

وتشوف حواليك جنه بترابيس

وتبص عليها وتتحسر

وتلاقى مشاعرك زى قزاز

 يضربه سرطان وبيتكسر

وتلاقى جنونك بيقولك

حاول تانى

وضميرك أصلآ بيعانى

شارياك حباك كل ثوانى

بس انت فقلبك 100 حاجة

محتار وحزين أفراح وأنين

وبتدمن ف عنيها النيكوتين

مش شايف غير ف عنيها أمان

عصافير ألوان

صوتها الخافت..

عمرها م فيوم منك خافت

لمستها بتديلك فرحة

ورده ف بساتين أشواك طارحة

علشان الورده تكون جنبك

هتدوق الشوك

ولوقت مؤقت معرفهوش

لازم تتخلى عن الفرحة

لازم تتخلى عن الفرحة

أجمل لحظات بتعدى عليك

من كتر حلاها بتتبخر

وان كنت بترفض تتحرك

ف طبيعى سعادتك تتأخر

 


إضافة تعليق




لا توجد تعليقات على الخبر
اضف تعليق

تم أضافة تعليقك سوف يظهر بعد المراجعة



الرجوع الى أعلى الصفحة