دشن رواد مواقع التدوينات الصغيرة تويتر، هاشتاج "هتنتخب السيسى ليه"، تصدر قائمة الترند فى مصر بأكثر من 10 آلاف تغريده، أعربوا من خلاله عن وجهة نظرهم فى انتخاب الرئيس عبد الفتاح السيسى، لفترة رئاسية جديدة، ومطالبته باستكمال الإنجازات والمشروعات القومية التى بدأها خلال الأربع سنوات الماضية.
وتنوعت آراء وتغريدات المشاركين فى الهاشتاج، حول رؤيتهم لانتخاب السيسى لفترة جديدة، خلال الانتخابات التى ستعقد فى شهر مارس المقبل، حيث قالت أمانى طه: "عشان رجعلنا إحساسنا بالانتماء والوطنية والوحدة والاصطفاف ورا بلدنا، وكمان عشان الشغل اللى اتعمل فى مصر فى الـ4 سنين محصلش من عشرات السنين".
وقال حساب باسم مصرية: "سأنتخب رئيس قال فى حضرته رئيس رؤساء برلمانات إفريقيا، حافظوا على مصر وجيشها ورئيسها، فنحن الأفارقة مصريون بكم"، وقال آخر: "أجبر العالم على احترام مصر بعقليته المخابراتية وتأنيه وبعده عن غوغائية الرد"، وقال يونس: "عشان وقف للإخوان وإجرامهم ومهربش من المسؤولية زى ناس تانيه".
مصرية
وأضافت مامى: "هنتخب السيسى عشان بيعشق مصر واشتغل ليل نهار لأجل المصريين نور عينيه وهو نور عينينا، ربنا يحفظك يا ريس"، أما إيمان سعيد فقالت: "لأنه أعلنها مدوية العالم كله، المرأة المصرية ذات مكانة عالية، ستات مصر نور عنينا"، وقال حساب باسم ابن النيل: "واحد مننا وشايل همنا، حاسس بنا وبمشاكلنا ومخلص لبلدنا ولنا، لم يسع للمنصب ولكن ولاه علينا ربنا، هاننسى ولا إيه لما نزلنا كلنا نضغط عليه ونحمله تركة ثقيلة ونطالبه يقبلها لأجلنا".
وقالت نورا: "لأنه أول رئيس أثبت الحضور القوى لوطنه فى هيئة الأمم المتحدة، كأول رئيس مصرى يحضر أربعة دورات متتالية لمجلس إدارة العالم"، وقال جلال إبراهيم: "عشان رفعة راية مصر، أعطانا أمل فى بكره بعد حكم الإخوان الفاشى وبعد أن كادت مصر تضيع منا"، وقالت سامية محمود: "هنتخب السيسى عشان بيقوى الجيش المصرى ويزوده بأحدث الأسلحة والمعدات".
نورا
وقالت نورا الليثى: "لأنه بنى فى أربعة سنين مليون و700 ألف وحدة سكنية ستر بجدرانها 9 ملايين مواطن مصرى"، وقالت أمل يوسف: "هنتخبه عشان بيراعى الكادحين بتكافل وكرامة، بقا عندنا شبكة اتصالات مصرية، بقا عندنا مصنع للجرارات الزراعية، شقينا الجبال عشان نعمل طرق لمنتجع الجلالة، بقا عندنا اسم لجامعات عالمية ليها اسم وسمعة، بقا عندنا مدارس على النظام اليابانى".
نورا الليثى
وتابع السيد الحبشى: "يكفى أنه ابن المؤسسة العسكرية المصرية مدرسة تخريج الرجال، طاهر اليد، ليس عليه فواتير لأحد، عاشق لمصر وشعبها، صادق مع نفسه وشعبه، انظر الآن هو فين وأعدائه فين، هذه تدابير رببنا"، وقالت صابرين فايد: "عشان قال مش هنبيع الوهم للناس، وقد صدق، قال هنبنى ونعمر ونشتغل وهنغير الواقع، وقد فعل، عشان كده هنتخبه تانى"، وقال هانى سلامة: "هانتخبه عشان مبعش زى اللى باعوا، مخانش زى اللى خانوا، وقف فى وش أهل الشر وأتحداهم، حمى الأرض وصان العرض ورجع الهيبة، كان واضح وصريح وعمره ما باع الوهم، شغله الشاغل وطنه، معندهوش رفاهية الوطن، عايز يشوفها أد الدنيا وهيشوفها".
ابن النيل
السيد الحبشى
أمل يوسف
إيمان سعيد
جلال إبراهيم
سامية محمود
سمراء
صابرين فايد
مامى
يونس
عدد الردود 0
بواسطة:
دعما للسيسى لمواكبة العصر الحديث
لك كل التقدير والاحترام سيادة الرئيس
بكل فخر احترم الرئيس السيسى رجل محترم جدا انا اسمى ياسر احمد ورقمى 01277769295 اعلن انى اتبرع بمبلغ 5 الف جنية دعما لانتخابات الرئاسة دعاية للسيسى لو حد عاوز يساهم معى