فيسبوك
واتساب
حَى يا مصرى و حَى يا قلبى على الفلاح
وصلوا وادعوا لابن بلدكو أبو صلاح
اللى مشرفنا و رافع راسنا فى كل مكان
بمهارته العالية و بحرفنته و بطيبته كمان
هداف الدورى و بطل أفريقيا الفنان
رايح بينا لكاس العالم يجيب أجوان
كل العالم بقى يعملله ألف حساب
و أحنا قلوبنا هتغنيله فى الاستاد
ابن بلدنا يا رافع راسنا فى كل مكان
أنت معلم و كل العالم قال فنان
أيقونة كبيرة وبصمة جميلة فى الإعلام
يا ابن بلدنا كل العالم بيك فرحان
والكرة الأرضية تشهد يا محمد يا لاعيب
الكرة فى رجلك تسعد و سحرك عجيب
مش بس بتلعب كرة ده بتسعد قلوب
لبلدك رسمت الصورة و الشكل المطلوب
هداف و بطل أفريقيا يا زينة الرجال
و كأنك جندى مجند فى ساحة القتال
يا مصرى يا أبن المصرى يا شارب من النيل
يا أبو مكة كلنا بنحبك يا محمد يا جميل
