قلم وورقة صغيرة وأستيكة
وارسم مسار النيل بدقة ع الخريطة
تلقى فرع مصر ضفيرة بشنيطة
لا تعكره زوبعة ولا تقلله سدود
قولوا للصهاينة والأمريكان وقطر
حامى مصر ربنا وياما شفنا وخطر
اتكتلوا واتشيطنوا ودبرولنا فى خطر
مصر هى مصر أرض الكرم والجود
باب السماء مفتوح رزق مين يمنعه
لو حتى الخونة كلهم علينا اتجمعوا
افتح الإنجيل.. التوراة .. القرآن اسمعه
أرزاق اتكفل بها رب العباد موجود
احكى يا نيل قول اقرا التاريخ
حافظ كيانك لا بتقل ولا بتشيخ
نجاشى قالوا واما سألت الشيخ
م الجنة قال أصلك خير ما لهش حدود
تم أضافة تعليقك سوف يظهر بعد المراجعة