كان يا مكان
كان فى زهرة فى بستان
بقلم كحل بيرسم
أجمل لوحة لعيون
انسان............
جريئة جميلة على طول
وهى دايما بتقول
أنها أجمل مافيها شجون
ما تعرفش تخون
تعرف بس تكون للكون
فرحة ونشوى وهمسة وجنون
تعيش عمرك بيهم مفتون
لوحة اتمنى دافنشى
ياخد منها بس لون
أصل اللون فيها كذا لون
زى الشعر الموزون
لو حطه فى لوحة
كانت بقت لجمال الدنيا ميزة
ولا كنا سمعنا عن الموناليزا
ليوناردو دافنشى ماعرفشي
انه للدنيا واحدة بس
جمالها ما قدرشى
حد انه يلاقى له حل
دا بدر جماله هل
أو يشوفه ويسيبه ويمشى
ما فهمشى دافنشى
أنه ماعملشي
للزمن حساب
أنه يكون
حبيبتى وأغلى الاحباب
هى اجمل مافى العالم
وان غيرها يبقى سراب
قلم كحل
عالى زى السحاب
بيجمع الأحباب
ويبعد عن الأغراب
قال فى الجمال
الى عمره ما اتقال
الى ما عرفش
يقوله اى فنان
حاول يرسمك
حاول يوصفك
او حتى فى خياله يلمسك
ما كانش عنده اختيار
قراره انه يوصفك
كان انتحار
قلم كحل كتب
قصة الجمال سيناريو وحوار
وكان ليه الانتصار
فى حكاية هو بطلها
وهو اللى يقرر امتى
ينزل الستار
