فيسبوك
واتساب
يسلملى قلبك يا قمر تســلم عيونك
لو خيّرونى يا قمر هختار عيونك
قلبى عشانك يا قمر طاير علالى
وعيونى دابت يا قمر .. لازم تصونك
فرعك دا عالى يا قمر زهرك يداوى
لو كنت طيرك يا قمر هسكن غصـونك
**********
الشوق عشانك يا قمر ســهّر عيونى
انا جيت ألومك يا قمر الناس لامونى
يوحشنى طيفك يا قمر لما تفـارق
حبيت أقرّب يا قمر مشيو وســــابونى
حالف لجيبك يا قمر رغم انت عـــالى
لما اشتريتك يا قمر الناس باعونى
**********
جلجل بصوتك يا قمر واظهر كيانك
كل النجوم دى يا قمر والليل عشـانك
لما ناديتنى يا قمر قلبى اتفـتحلك
اسكن فى بيتك يا قمر زمنى زمانك
كل الليالى يا قمر تشهد علينا
نسيتنى اسمى يا قمر لمسة حنانك
