مهما الأيام تمر
مهما يطول بيه العمر
هفضل بفخر أقول
أهلاوى على طول
الأهلى كيان وروح
معاه لفين ما يروح
لو مر يوم فى محنة
والمحنة كانت صعبة
بالقلب معاه والروح
على الحلوة والمرة معاه
وفى كل مكان عيشين وياه
فى وقت الشدة رجال
معدن غالى وأبطال
هو الأمل هو الحياة
رمز لكل جيل ورا جيل
وجمهوره ملهوش مثيل
من صغرنا عرفنا هواه
وحبنا كبر معاه
أصل أنت يا أهلى تاريخ طويل
أشهد وقول يا تاريخ علينا
احفر واكتب حروف اسامينا
بالحب نده علينا
وبالحب جينا ولبينا
وف عشقه قلنا وغنينا
قلنا ف حبك يا أهلى كتير
تستحق لأنك كبير
وصغير فينا وكبير
يعشقك ويموت فيك
دايما رافع راسنا لفوق
بنحبك بإخلاص وشوق
إنجازات وبطولات
تسمع عنها كتير حكايات
مع الشمس فى كل شروق
أهلاوى بقولها وأفتخر
عمر جناح نسره ما ينكسر
فى السما طاير حر
وف قلبه تلاقى السر
عايش بيه على طول
ذقنا معاه الفرحة
زي فرحة عروسة بطرحة
أنت بتبنى الأمجاد
شهدوا عليها أجداد وأحفاد
شفنا معاه كل الأعياد
تم أضافة تعليقك سوف يظهر بعد المراجعة