قال الفنان محمد رمضان، معلقا على خطورة ظاهرة الهجرة غير الشرعية وأهمية مواجهتها بكل قوة وحسم، إن هذه الظاهرة تدمر مستقبل الأجيال الجديدة، متابعا: "لا بد من توحيد صفوف المجتمع المصرى من أجل محاربة هذه الظاهرة المدمرة".
وأضاف "رمضان"، فى كلمته خلال مؤتمر مواجهة الهجرة غير الشرعية بالبحيرة، الذى تنظمه وزارة الهجرة تحت عنوان "قبل ما تهاجر فكر وشاور" بمجمع دمنهور الثقافى، بمشاركة السفيرة نبيلة مكرم وزيرة الدولة للهجرة وشؤون المصريين بالخارج، واللواء مجدى عنانى السكرتير العام للمحافظة، والنائبة البرلمانية أمل زكريا مقرر المجلس القومى للمرأة بالبحيرة، قائلا: "الشغل ده رزق، وأشرف لى ولأى شاب نغسل صحون فى مصر عن السفر والهروب خارج البلاد وفى الآخر ممكن يموت ويرجع فى كفن لأهله".
وطالب الفنان محمد رمضان من الشباب الثقة بالله والعمل باجتهاد فى مصر، من أجل الخروج بها من أزمتها الحالية، ومواجهة محاولات الاستقطاب من قبل تجار وسماسرة الموت الذين يلعبون على طموحات الشباب.
كانت السفيرة نبيلة مكرم، وزيرة الدولة للهجرة وشؤون المصريين بالخارج، قد أعلنت خلال المؤتمر عن أن وزارة الهجرة ستقدم مبادرات عديدة لمواجهة ظاهرة الهجرة غير الشرعية ووضع حلول بديلة لها، مشيرة إلى توفير 2000 فرصة تدريب بالبحيرة فى كل التخصصات للدفع بهم فى سوق العمل.
وزيرة الهجرة ومحمد رمضان خلال مؤتمر الهجرة
وزيرة الهجرة ومحمد رمضان بالبحيرة
محمد رمضان فى مؤتمر الهجرة الغير الشرعية
مؤتمر الهجرة الغير شرعية بالبحيرة
عدد الردود 0
بواسطة:
الباشا
اغسل براحتك
اغسل صحون ياعم من قدك يا ريس هههههههههههههه
عدد الردود 0
بواسطة:
مصرى صريح
الكلام سهل مفيش كلام
ماشى يا نجم ما تتبرع بربع ثروتك علشان الشباب مش يسافر برة البلد لو انت فعلا جاد فى خدمة البلد.بدل من التنظير فى القاعات المكيفة. انا قلت مية مرة فية 100الف مليونير فى القاهرة فقط .ان لم يساعدوا مصر دلوقتى هيساعدوها امتى.فية رجال أعمال كتيرة فى العالم بيوهبوا كل ما يملكوة للفقراء لان الكفن زى ما قال الكابتن مبارك مش لية جيوب
عدد الردود 0
بواسطة:
مواطن
انت قدوة فعلا
فعلا انت مثل اعلى للشباب الذين سيكون مصيرهم غسل الصحون فى السجن بعدما مجدت البلطجه بكل أشكالها واصبح المجتمع يحترم البلطجى ويهابه اكثر من احترامه للشرفاء
عدد الردود 0
بواسطة:
ايمن عبد الله
الموضوع اكبر من كده بكتير
اللى ايده فى الميه مش زى اللى ايده فى النار..ده كلام للاستهلاك المحلى وصحون ايه اللى هايغسلها فى مصر ..موضوع الهجرة غير الشرعية ده محتاج دراسة مجتمعية مستفيضة وتكاتف جهات مدنية لانه لولا نجاح عدد غير قليل فى الهجرة غير الشرعية سافروا وعملوا مبالغ كبيرة لما كان هناك هجرة غير شرعية..الموضوع مش هايخلص بشعارات وفنانين وهيصه وخلاص
عدد الردود 0
بواسطة:
مشمش
البركه فى افلام السبكى التى تربح منها الملاييين وتدمر بها اخلاق وقيم شباب مصر...
//....
عدد الردود 0
بواسطة:
داوؤد
كلام مش صحيح بالمره
للأسف كلام بيتقال وخلاص.. واحد زي حضرتك علم العيال البلطجة والغجرية في الشارع المصري!!! وبعدين حضرتك كنت بتسوق توك توك وبنشرب مخدرات وإذ فجاءةً أصبحت نجم ساطع ومثال للعيال التافهة..!! فا بلاش كلام وخلاص.
عدد الردود 0
بواسطة:
Sameh
اه من امه ضحكت من جهلها الامم
محمد رمضان هو فعلا الرجل المناسب في المكان المناسب شاب طموح بني نفسه بنفسه دمر اجيال باعماله الزباله من البلطجه و المخدرات و بقي مثل سئ لاجيال بتقلده و طاع الجيل
عدد الردود 0
بواسطة:
ahmed
كلامه غلط
للاسف واحد زي محمد رمضان علي قدر بسيط من التعليم وشخص ليس منتج او مفيد للمجتمع بالمره شويه الافلام والهري اللي بيعمله كلام فاضي ...لان الفن كان زمان لما كان الممثل بيشتغل علشان يقدم فن مش علشان الفلوس كل اللي بيمثلوا بيمثلوا علشان فلوس لو خلو الفن والتمثيل باجر رمزي بسيط انا علي ما اري ان مافيش حد من الاشكال اللي علي الساحه حتشترك سوي اللي عايزين فعلا يقدموا فن ياريت الموضوع ده يكون محل اهتمام المنتج والمخرج زمان كان الممثل اللي امتع الجماهير واللي الناس كان بتبكي علي فراقه كان بيموت ومافيش عنده ولا اموال فاحشه ولاغيره كان منهم اللي بيموت وتارك ثروه زيه زي اي شخص عادي لكن دلوقتي كله تمثيل فاشل لاجل الاموال الواد بقي بتاع الصحون ده بيهري في كلام خايب ياريت يكون الموضوع زي ده يتكلم فيه المثقفين مش لمجرد الكلام ولكن لايجاد الحلول اولا وعار علي اللي عمل المؤتمر انه يستضيف محمد رمضان لموضوع زي الهجره الشرعيه او غيره من المواضيع التي تحتاج للفكر امال بقي المثقفين راحوا فين؟
عدد الردود 0
بواسطة:
مواطن مصرى
بعض الفنانين والفنانات هم ظاهرة غير شرعية..
لاحول ولاقوة الاباللة..
عدد الردود 0
بواسطة:
............
?????
هو في ايه يا بلد مين الاخ اللي كل شوية طالع مع وزراء و متسرح من كتيبته ولما بيروحها بيتوه في الشرقية زي ماكتب عشان تعملوله كل ده انتم بتشجعوا الشعب علي ايه على البلطجة و استسهال طرق النجاح ، مش ممكن المستوى اللي الحكومه دي وصلتله