عمرو عبد الحميد مبروك يكتب: إيه الحكاية يا بشر

الأحد، 24 سبتمبر 2017 08:00 م

شخص فقير

إيه الحكاية يا بشر

الظلم ليه بنا انتشر

ليه الفقير مالهوش مكان

ونقول كدا هو القدر

الظلم دا من صنعنا

ودا شىء ما يرضيش ربنا

واحد بيغرق فى الغنى

والتانى فى الفقر اتعصر

عجبى عليكى يا دنيا آه

وغريبة ليه فيكى الحياه

وطريقنا على فين منتهاه

وقلوبنا ليه صبحت حجر

وليه نعيش فى الظلم ليه

واللى اتجرح مين حيداويه

بر النجاة فين حنلاقيه

لو الفقير قلبه انكسر