بموت م الوجع
لما بيزيد الألم
وقلبى م اللى باعه
اتوجع
غرقان فى بحر الندم
خلاص هنسى اللى فات
وكإنه راح واتعدم
هرسم لنفسى ذكريات
بالشعر واكتب يا قلم
يا فرحه فينك
تهتى منى ورحتى بعيد
وراح حنينك تانى عنى
من جديد
نفسى أشوفك معايا
والإيد فى الإيد
يا فرحه فينك
ببعدك غيرتى شكلي
وأسيتى فيا
وبقسوتك زادت مشاكلى
وكترت عليا
وبغربتك سالت منى
دموعى
على خد أصفر لونه فيا
إنتى إمتى تبقى ليا
وإمتى بيكى أكون سعيد
يافرحه فينك
تهتى منى ورحتى بعيد
نفسى أنسى كل حاجه
مرت عليا
نفسى أشوف دنيا
غير الدنيا ديا
نفسى أحس بحاجه
أحلى م اللى بيا
نفسى أدوق طعم الحياة
نفسى أفرح مقولش آه
وأضحك تانى من جديد
نفسى أعيش طول الحياة
فرحه وأمل ونجاح أكيد
تم أضافة تعليقك سوف يظهر بعد المراجعة