فيسبوك
واتساب
قالوا عنى من إنى
عصفورة صغيرة
يدوبك بريشتين
ونسيوا إن
أحلامى كتيرة
وأكتر من دستتين
كل اللى عايزاه منهم
إنهم يدونى فرصة
لحد لما تكبر
جناحاتى الاتنين
حا ألف كل بلاد الدنيا
فى أقل من دقيقتين
وأقول لكل الناس
أنا من مصر
ومن الأساس
متأصلة أبا عن جد
اقروا التاريخ
ومن بعدها
جاوبونى بجد
قالوا عنها مصر أم الدنيا
ودى الحقيقة
اللى ما يقدر
ينكرها أى حد
دى رسالة من عصفورة
من بعد ما طارت
وقالت كلمة حق
مصر أم الدنيا
بنت الأصول
ربنا يحميها من كل
طماع وغيور فى كل وقت
