فيسبوك
واتساب
محدش بيحس بيك ولا بيشوف دموعك بين عينيك ولا الخوف اللي جوا قلبك
عايش خوفك لوحدك بتنور طريقك بنفسك بترسم الهدف اللي تعيش عشانه
محدش بيحس بيك ولا بيحس بالوجع اللي بيمزق ضلوعك ليل نهار
فرحان ولا زعلان إنت اللي عارف حقيقة إحساسك واللي قدامك بيشوف اللي إنت عايز تورهولوا حتى لو كنت بتخدعه بضحكة بسيطة بتداري وراها صرخة ألم أو ندم على إحساس كنت عايز تعيشه ماعيشتهوش وإنت اللي ضيعته من بين إيديك
محدش بيحس بيك وإنت بتلوم نفسك إنك وثقت في حد واعتبرته كل شئ وهو استغل طيبتك وإخلاصك إليه وبكل سهولة نسيك ومسح صورتك من عينيه
إمشي لوحدك وارمي همومك على اللى خلقك ماهو مفيش أحن منه يسمعك يرحمك ويحس بيك
ده الطبيعى فى الدنيا دى كل واحد غرقان فى همه مش فاضى يشوف هموم اللى حواليه
ماانت كمان مش حاسس بغيرك وعايش لنفسك زعلان ليه إن محدش بيحس بيك
