فيسبوك
واتساب
عيش الحياة واوعى تجافيها
مكتوب علينا الشقا فيها
وامشى طريقك واستعين بالله
ربك كريم قادر يساويها
حالنا وحال الدنيا من يومها
نفرح شوية وتيجى أحزانها
وللنهاية دى هى أحوالها
وحال كمان كل اللى حيجيها
ملهاش أمان غدارة وبتنسى
ولا عمرها كانت لنا مرسى
قاسية وعلى القلب الحنون أقسى
عايزة الخفيف اللى يجاريها
والصبر طيب بس للعاشقين
خلى اللى بينك واللى بينه حنين
شط النجاة مكتوب لناس صابرين
وسفينة الخير ربك ينجيها
