لسه يا قلبى بتبكى على اللى ف يوم جرحوك
لسه بتحلم ترجع تانى لناس ظلموك
حاول تنسى يا قلبى اكيد مش بيحبوك
حاول تقسى يا قلبى اكيد مش بيحبوك
خايف تحلم بكره يفاجئك بنهار قاسى كله هموم
خايف من كتر الاوجاع ينسى يطيب خاطرك يوم
خايف تجرح حد وفالك
خد من عمره سنين وادالك
خايف تقسى ف مرة عليه
خايف تنسى ف يوم تواسيه
خايف جدا جدا خايف انا مش عارف خايف ليه
خايف على ايام عشتها مع ناس يا خسارة ميستهلوش
خايف تدى لغيرك سرك يغدر بيك وميحفظهوش
خايف تجرح يوم انسان متعلق بيك
لما بتضحك يفرح تبكى بيبكى عليك
خايف تبعد عنى ف يوم
خايف تملا حياتى هموم
خايف جدا جدا خايف انا مش عارف خايف ليه
خايف تمشى طريق مش عارف فين خطاويه
نفسك توصل لكن ضعفك قتلك منعك توصل ليه
خايف بعد ما تلقى طريقك
ترجع تنسى هتمشيه ليه
خايف جدا جدا خايف انا مش عارف خايف ليه
خايف بحر الدنيا يغرك تجرى عليه
واما تقرب منه يشدك تغرق فيه
خايف اتوه ف السكه لوحدى
خايف اموت م اللى بقيت فيه
خايف جدا جدا خايف انا مش عارف خايف ليه
تم أضافة تعليقك سوف يظهر بعد المراجعة