بلاش نكره
بحق الباقى
ف قلوبنا
بلاش نكره
بلاش الفرقة
والاطماع بلاش
الحرب
وهيا الفرقة
ليه هتكون
واصل
الناس بكل
أجناس
ف شرق
وغرب
واحد بس
لا فينا اللى امتداد
لملاك
ولا واحد أبوه شيطان
وكله ف خلقته انسان
ورب الكون
خلقنا أشكال
خلقنا ألوان
ملل أديان
م اصل الاختلاف
سنة
وفطرة قديمة من
آدم
ومن ايامه
فينا الخير
وفينا الشر
وبإدينا الخراب
ظاهر ف قلب
البحر و يا البر
وفينا اللى
بضعفه سجين
وفينا اللى بقوة
اتغر
بدون م نخش ف التفاصيل
ونحكى ف حكى فاضى
طويل
م تيجو ندوب الخلافات
يشيع الحب ف الأوقات
وجوا نفوس
وجوا بيوت
يموت الكره ف قلوبنا
بعلو الصوت
نحارب كل أسبابه
يا ناس الكره ديب
اسود مخوفنا كدا بنابه
يا ناس فوقوا
دا كل جميل بيتجمل
بأحبابه
وورد الكون ملوش لازمة
بدون عشاق
يا ناس الحب مش سلعة
ف قلب أسواق
داشىء فينا
ف أحلامنا واغانينا
ف صوت الفرحة ف قلوبنا
بلون الدمعة ف عنينا
لأجل الغير
يا ناس الحب
هوا الخير
يا ناس الحب نهر كبير
بيروينا
بيسقينا ومش بيجف
شعور بيلف
ع المخاليق
ويبقى الوسع وقت الضيق
يمد لنا الامل بكرة
يخليلنا الحياة فكرة
أساسها الحب
بلاش نكره
عشان نسعد
عشان نفرح ف كل
مكان
ف كل زمان
ف كل انسان يسود الحب
بطيبة قلب
بالأحلام
بضى كلام كتير معناه
بلاش نكره
عدد الردود 0
بواسطة:
على حسن
دى مش بس قصيدة دى رسالة سلام لكل الناس
دى مش بس قصيدة دى رسالة سلام لكل الناس يا رب توصل ليهم و لحكوماتنا و كل العالم عشان كلنا نقدر نعيش فى سلام .احسنت و تفوقت بكلام من القلب