بالصور.. عبد الرحمن الحبروك يحارب التدخين بإحراق لوحاته المصنوعة من التبغ

الأحد، 13 أغسطس 2017 07:34 م

لوحات التبغ

(رويترز)

اضف تعليقاً واقرأ تعليقات القراء

فى محاولة من الشاب الجامعى الإسكندرانى عبد الرحمن الحبروك، بهدف زيادة وعى الناس بشأن مخاطر التدخين، يقوم بإضرام النار فى لوحات التى يرسمها بالتبغ.

وتنتشر علب السجائر فى الاستوديو الصغير الذى يبدع فيه عبد الرحمن الحبروك لوحاته مُستخدما التبغ الذى يرش أعلاه مسحوق البارود.

وبكسر السجائر إلى نصفين وتفريغها من التبغ يقول الحبروك إنه يستخرج شيئا مفيدا من شيء ضار.

وأوضح الحبروك البالغ من العمر (23 عاما) أنه بدأ الرسم بعد عامه الأول فى الجامعة، لافتا إلى أنه يرسم بالتبغ منذ نحو عام ويرى الكثير من ردود الفعل الإيجابية لأعماله الفنية.

وأضاف لـ "رويترز" فى مرسمه بمدينة الإسكندرية: "أول ما نزلت رسمة طبعا ع الفيس، أول حاجة حصلت يعنى ماحدش شافها قبل الفيس، فأول تعليق (بالإنجليزية) شُفته إن أنا أخيرا شُفت فائدة للسجائر. فالرسالة وصلت بمنتهى السهولة. فعلا أنا كنت عايز أعمل من حاجة مُضرة حاجة مُفيدة إلى حد ما يعني، فأول تعليق شُفته أخيرا شُفت فايدة للسجائر. كل التعليقات كده..السجائر بقى لها فائدة. أخيرا السجائر بقى لها فائدة وهكذا، فده كان شيء يعنى مفرحنى إن أنا رسالتى وصلت بمنتهى السهولة يعني".

ويركز الحبروك فى لوحاته على رسم صور لوجوه أشخاص أو حيوانات ويشير إلى أنه جرب رسمها بعدة مواد مختلفة.

ومن بين المواد التى جرب الحبروك استخدامها فى الرسم حبوب القهوة والملح والرمل، لكنه اكتشف أن أفضل وسيلة للاحتفاظ بإبداعاته هى أن يحرق أرقى أنواع التبغ.

ومضى يقول: "يعنى هو الفكرة كمان إن أنا أحاول أثبت الرسمة. بأبقى متضايق لما أرسم رسمة مثلا لأحد وبعد كده ألمها شبه الرسم بالملح أو كده. أنا عايز أحتفظ بها. ففكرت إن أنا ممكن لو حرقت الورقة الحرق نفسه حيأثر أو حيظهر مثلا معالم الرسمة. فبدأت أجرب فى الموضوع يعني. هو لسه ماضبطش معايا قوي، بس أنا بأحاول، شغال عليه يعني".

وبعد أن يكمل لوحته ينثر الحبروك عليها مسحوق بارود ثم يضرم فيها النار فتترك النار أثرها بشكل الرسم على الورقة.

وفيما يتعلق بأحلامه المستقبلية ذات الصلة بالفن قال عبد الرحمن الحبروك: "أنا طبعا بأحلم إن أنا مستواى يزيد أكثر من كده بكثير. أتعلم خامات أكثر. حابب بعد كده، بس ده قدام إن شاء الله، إن أنا أشارك فى معارض كبيرة، تمام، وحابب إن شغلى يوصل لناس كثيرة. يعنى حابب إن الناس تبقى عارفانى وعارفة شُغلي. بس ويبقى شغلى مُميز يعنى وسط الفنانين بس مش أكثر".

ويعتمد عدد السجائر الذى يستخدمه الحبروك فى اللوحة الواحدة على حجم الرسم. ويستخدم الفنان الشاب فى بعض الأحيان ما يصل إلى أربع علب سجائر فى رسم لوحة واحدة.