أكد الدكتور عمرو عبد السلام شعت مساعد وزير النقل لشئون السكة الحديد والطرق، بدء التحقيق فى أسباب تأخر وصول قطار رقم 996 المتوجه من القاهرة إلى أسوان لما يقرب من 12 ساعة، متابعًا: "المدان سيحاسب والوزارة تعمل على رفع منظومة الصيانة بالسكة الحديد".
على جانب آخر وصل القطار المذكور إلى أسوان الساعة 11 مساءً متأخرًا عن موعد وصوله 11 ساعة و40 دقيقة، حيث كان محددًا له يصل أسوان الساعة 11.20 صباحًا، إلا أنه تأخر بسبب تكرار تعطل جراره وعربات التكييف، حيث تم تغيير جراره 4 مرات خلال رحلته بسبب أعطال فنية حدثت بكل جرار تم ضمه للقطار.
وكان القطار المذكور تحرك من محطة مصر العاشرة مساءً الثلاثاء، وكان محددًا له يصل أسوان 11.20 صباحًا، لكنه تعطل فى الجيزة والوسطى وأسيوط والأقصر.
يذكر أن هذه تعتبر المرة الأولى فى تاريخ السكة الحديد الذى يقطع فيها قطار رحلته من القاهرة إلى أسوان فى وقت ضعف الوقت المحدد تستغرقه الرحلة، حيث استغرقت هذه الرحلة 25 ساعة رغم أنه محدد لها 13.20.
عدد الردود 0
بواسطة:
محمد كمال
كدابين مش اول مره
مش اول مره ولا اخر مره السكه الحديد حاجه تحزن وتقرف المفروض فيه صيانه لااى قطار قبل قيامه بوقت كافى لكن تقول لمين الفساد اتزرع ووصل مداها فى كل قطاعات مصر
عدد الردود 0
بواسطة:
لويس فونسى
على اقل من مهلك
ايا جدعان قطارات مصر اسوان ماشية تبع الموضة ديسباسيتو.... اخر روقان.... ورب الكعبة حاجة تكسف ....عن تجربة شخصيية.....اللى عايز يكره نغسه يركب القطر ال vip ده..... غلوا التذكرة وحسنوا الخدمة....
عدد الردود 0
بواسطة:
دكتور محمد جيييم
لازم اللى قال الكلام ده ، سيادة الوزير . لأن آخر حاجة يفهم فيها أو يعرف عنها ... السكة الحديد !!!
طبعاً ((الأفاضل)) فى السكة الحديد ، مايقولوش الكلام ده ، علشان هم عارفين اللى فيها . صحيح القطارات ممكن تتأخر ساعتين أو ثلاثة أو أربعة أو حتى خمسة ، بس إيه ؟! بس فى مشوار ياخدله ساعة أو ساعتين . من القاهرة لبنها مثلاً ، أو لطنطا ، أو حتى اسكندرية . . يعنى الجرار الأصلى عِطِل ، وبعد منه 4 إحتياطى . يعنى ببساطة ، مافبش جرار إحتياطى سليم ، والجرار الأصلى شرحهم . وسيادة الوزير ح يحاسب المسؤل . ولن يفلت من العقاب . داهية لا تكون موش عارف إن حضرتك المسؤل !!!
عدد الردود 0
بواسطة:
أبو سلمى البحر .
واضح ان مهندسى الصيانة و سائقى الجرارات من الأخوان المجرمين الخونة !!!
و يا دولة : ابحثوا عن الخلايا القذرة الاخوانية فى السكة الحديد و ستجدونهم !
عدد الردود 0
بواسطة:
شحبوب الشحبى
و طبعا....
سيادة الوزير هايقول لازم نزود اسعار التذاكر...يافاااااالح استقيلوا يرحمكم الله...
عدد الردود 0
بواسطة:
طارق
ارحل
ارحل ارحل ارحل يا فاشل
عدد الردود 0
بواسطة:
حماده
مسلسل عطل جرارات القطارات
بصراحه ... ازداد موضوع تعطل جرّارات قطارات السكه الحديد ... ( القطارات العاديه ... القطارات المميزه ... القطارات المكيّفه ... والله العظيم حتي قطارات vip ) قنا ... صحيح أن معالي وزير النقل الدكتور هشام عرفات قالها منذ فتره أن جرارات القطارات بحاله سيئه ...وكذا عرباتها ... وكمان وهو الأخطر أن قضبان السكه الحديد متهالكه ... طيب وبعدين ياساده ... هل ننتظر حتي وقوع كارثه كبري لاقدّر الله حتي يتحرك المسئولين في الهيئه القوميه لسكك حديد مصر ... اننا نناشد معالي وزير النقل الدكتور هشام عرفات والدكتور عمرو عبد السلام شعت مساعد وزير النقل لشئون السكه الحديد والطرق وسيادة اللواء مهندس مدحت شوشه رئيس هيئة السكه الحديد ... نناشدهم جميعا بسرعة التحرّك في اتخاذ اجراءات سريعه وعاجله نحو صيانة هذه الجرّارات القديمه ... وسرعة التعاقد علي شراء جرّارات جديده ... وهنا نناشد معالي وزير الماليه الدكتور عمرو الجارحي سرعة تدبير الموارد الماليه لزوم شراء هذه الجرّارات ... تجنّبا لحدوث الحوادث لاقدّر الله التي تهدّد حياة المواطنين عند ركوبهم هذه القطارات ... ولاننسي أن نناشد السيد رئيس لجنة النقل والمواصلات ببرلمان مصر الموقّر والساده النواب المحترمون أعضاء اللجنه نناشدهم سرعة التدخل وبحث هذا الأمر الهام الذي لايحتمل أدني تأخير لأنه يخص حياة انسان وقبل وقوع كارثه لاقدّر الله ... يارب يصل صوتي كمواطن مصري للساده المسئولين في هيئة السكه الحديد لسرعة وضع حل لهذه المشكله التي نعاني منها جميعا عند استقلالنا هذه القطارات ( المكيفه أو vhp ) خاصة أن رحلة سفرنا نحن كصعايده تكون طويله تصل الي 13 ساعه وده طبعا لو مفيش تأخير ( قنا - الأسكندريه أو القاهره والعكس ... أسوان - الأسكندريه أو القاهره والعكس ... الأقصر - الأسكندريه أو القاهره والعكس ... سوهاج - الأسكندريه أو القاهره والعكس ... أسيوط - الأسكندريه أو القاهره والعكس ... المنيا - الأسكندريه والعكس ) ونأسف علي هذه الأطاله في تعليقنا ... مع خالص تحياتي -
عدد الردود 0
بواسطة:
محمد عبدالله
احنا مش عارفين نركب قطار التقدم
أقصي معدل لتأخير القطار في اليابان هو ١٨ ثانيه اما في مصر وصل ل ١٢ ساعه هو ده الفرق بن مصر وبين الدول المتقدمة . احنا متأخرين قوي ومعندناش اي نيه ان احنا نحصل الدول دي احنا فلحيين بس نقول انا احنا احسن ناس ومش بنشوف الناس التانيه بتعمل ايه لبلادها من غير ما تقول ... حزين عليكي يا مصر
عدد الردود 0
بواسطة:
صلاح حسنين
ليست اول مرة
في اواخر ديسمبر الماضي 2016م (29 او 30) وكان القطار ايضا 996 VIP استغرقت الرحلة من القاهرة الى اسوان اكثر من24 ساعة ، وفى هذه الرحلة نام السائق داخل كابينة القيادة في محطة الواسطي حوالى ثلاثة ساعات (وكانت حجته وقتها انه يعمل لمدة 24 ساعة متواصلة) وبعدها تم تغيير السائق وتكرر الوقوف لمدد طويلة اكثر من مرة اثناء الرحلة وبسببها ضاع علينا يوم كامل من رحلة بالمركب من اسوان الى الاقصر . ولكن رحلة العودة الى القاهرة كانت طبيعية بدون تأخير .
عدد الردود 0
بواسطة:
صلاح حسنين
ليست اول مرة
في اواخر ديسمبر الماضي 2016م (29 او 30) وكان القطار ايضا 996 VIP استغرقت الرحلة من القاهرة الى اسوان اكثر من24 ساعة ، وفى هذه الرحلة نام السائق داخل كابينة القيادة في محطة الواسطي حوالى ثلاثة ساعات (وكانت حجته وقتها انه يعمل لمدة 24 ساعة متواصلة) وبعدها تم تغيير السائق وتكرر الوقوف لمدد طويلة اكثر من مرة اثناء الرحلة وبسببها ضاع علينا يوم كامل من رحلة بالمركب من اسوان الى الاقصر . ولكن رحلة العودة الى القاهرة كانت طبيعية بدون تأخير .