خالد صلاح

برعاية سوبر كورة

سوبر كورة

عفوا.. لا يوجد مباريات اليوم

"ميار" تتخلص من جبروت حماتها بحيلة غريبة.. تعرف عليها

الثلاثاء، 01 أغسطس 2017 12:30 ص
"ميار" تتخلص من جبروت حماتها بحيلة غريبة.. تعرف عليها خلافات زوجية -أرشيفية
كتبت أسماء شلبى

مشاركة

اضف تعليقاً واقرأ تعليقات القراء

"كنت عايزه أكسر عين حماتى وأذلها زى ما عملت معايا طوال 6 سنوات زواج، فأقنعت والدى بالزواج منها عرفيًا".. بتلك الكلمات ردت الزوجة "ميار. ن" على دعوى نشوز زوجها التى حملت رقم 1765 لسنة 2017 أمام محكمة الأسرة بإمبابة.

 

وقالت الزوجة فى ردها الذى وصفت حماتها فيه بـ"العقربة": "لم أعرف الراحة فأنا عبارة عن خادمة استيقظ فقط من أجل تلبية طلبات والدة زوجى التى لا تنتهى، ورغم ذلك أقابل منها بسلاطة لسان، وتعنيف يصل لحد مد يديها على، وعلى ابنتى الصغيرة، وعندما اعترضت أعنف من زوجى".

 

وأوضحت: "مكثت أيام أدفع ضريبة جبروت حماتى وتحكماتها لدرجة أننى كنت أعيش بالأيام الطويلة دون طعام، وأعيش فقط على الخبز والماء بسبب سخطها علىَّ وعدم رضائها، فكان زوجى يقول لى أنا تزوجتك من أجل تلبية طلبات والداتى".

 

وأكدت الزوجة: "ضاقت بى الدنيا، وفكرت فى الطلاق، ولكنى لم أفعل حتى لا أعطيها فرصة الشماتة بى، وقررت أن أجعلها هى من تجد غيرى تهتم به وأقنعت والدى الأرمل أن يبدأ فى الحديث معها وجعلها تقع فى حبه.. ولم يتأخر".

 

واستكملت: "طوال شهور أصبحت مشغولة بالاهتمام بنفسها، وكيف تصبح أصغر سنًا، إلى أن علمت أنهما تزوجا عرفيا بسبب خوفها على المعاش، ومن رفض زوجى".

 

وتابعت: "للأسف انقلبت الأمور، وانكشف السر بعد عام كامل من زواجهما، والدى ووالدة زوجى عندما علما بالأمر كاد يقتلها ويقتلنى، وطردنى من المنزل، ورفض كل الحلول للتدخل وإصلاح الأمور، ورفض تطليقى، وتوعد بتركى معلقة كالبيت الوقف".

 


مشاركة

اضف تعليقاً واقرأ تعليقات القراء

التعليقات 4

عدد الردود 0

بواسطة:

امل

ابحث عن خراب البيوت .. تجد دوما حماه من عينة ماري منيب

كنتي شربتيها حاجه اصفره بدل ما ابوكي يضحي بنفسه .. للأسف .. ابحث عن خراب البيوت .. تجد دوما حماه من عينة ماري منيب .. علشان كدا لازم البنت و اهلها يكونوا واثقين ان والدة العريس مش من العينه دي قبل ما يوافقوا على الجوازه .. بدل ما تتكرر مع بنتهم قصة كل يوم ( خراب البيت بسبب والدة الزوج)

عدد الردود 0

بواسطة:

منين نجيب الصبر

طب نقول تانى وتالت ورابع بعد ان قلنا مرارا وتكرارا الحموات يعتبرن الزوجات الد اعدائهن وكذلك الازواج

ففضوها سيرة وكل شاب وفتاة يجلسا فى البيت بكرامتهم احسن وبلاها جواز وقلة قيمة وبهدلة وشحططة فى المحاكم --ماهو أصلة مفيش فايدة فمهما الزوجات يعملن لارضاء الحموات--ابدا لن يرضين عنهن لانهن الد الد الاعداء بالنسبة لهن سرقن منهن ابناءهن ومن الاساس لديهن عقدة من حمواتهن --اذا المعادلة صعبة جدا وتستعصى على الحل حتى ولو اتين بفيثاغورث وجهابذة الرياضيات فلن يحلوها--ياما قلنا وكتبنا الحموات الا من رحم ربى السبب الول والرئيسى فى حراب البيوت--وأسألوا --جحا---الذى قال ملعون ابو اللى اتجوز ومنصحنيش وملعون ابو اللى عايز يتجوز ومسألنيش--لان العيشة مع الحموات بتطلع على مفيش--وهى من الاساس مطيقانيش--ومن اول يوم مش عاوزانى فى السعادة اعيش--ناديت على المراكبى علشان للبر التانى بعيد عنها اعدى قال لى لا ياخويا متعديش--رضيت بقسمتى واصبحت انسان بمليم ميساويش--ومنين نجيب الصبر--علشان متجننيش---لا والله انا اتجننت وبقيت ماشى اخرف وعامل زى الدراويش--ومنين اجيب الصبر علشان اعرف معاها اعيش--وحياتى السودة بسببها متنتهيش

عدد الردود 0

بواسطة:

عباس

ميار

انتي بنت مشكله بجد ههههههه ايه الدماغ دي بس برضو كسرتي عنيها جدعه يابت ههههههه

عدد الردود 0

بواسطة:

هبة

ارجو النشر اسد على النساء

الجوازة غلط من البداية البيه بيقول لمراته انا اتجوزتك علشان تلبية طلبات امى ثقافة غلط فى غلط فاكرها جارية ليه ولامه خدامة ببلاش اهو يوفر اجرة خادمة دا مش عقد جواز دا عقد استنطاع واسترقاق لم تحصل الزوجة فيه الا على لقب متزوجة قايمة على اساس الواجبات على الزوجة فقط دون اى حقوق مع حماة لم تتق الله فى زوجة ابنها ويصل الامر لمد الايد والاهانة مع تاييد كامل من الزوج لامه هو نفس الزوج اللى لم يتق الله فى امه لما عرف امه انها اتجوزت ابو مراته بصراحة الام مخطئة كانت المفروض تعلن جوزاها وتجوز رسمى مش عرفى وابنها لو مش عاجبه يخبط دماغه فى اتخن حيطة بس هى خافت من ابنها وطمعت فى المعاش وابنها عاق لو رفض جواز امه لان لو ابوه هو اللى عايش وامه ميته وقرر انه يتجوز مش هيقدر عليه هو فقط اسد على النساء

اضف تعليق

تم أضافة تعليقك سوف يظهر بعد المراجعة





لا تفوتك
الرجوع الى أعلى الصفحة