خلافات على مدار 7 سنوات جمعت "باسم. ك" وزوجته "يمنى. ك"، دفعته لتطليقها ودفع جميع مستحقاتها المادية، هربًا من العيش معها، ومن إهمالها الشديد فى تحمل مسئولية طفلتها، وتركها المنزل والمكوث لدى أصدقائها حتى ساعات متأخرة، والتعدى عليه بالضرب حين يلومها على ما تفعل.
وقال "باسم" فى محضر حرره بقسم شرطة الجيزة، إن مطلقته التى انفصل عنها أواخر 2016 استعانت بـ4 من صديقاتها واعتدين عليه بالضرب أمام مقر عمله، ورفق بالمحضر تقرير من المستشفى يثبت ما تعرض له من إصابات، فضلاً عن محتوى تسجيل الكاميرات واستعانته بالشهود.
وأكد "باسم" دخوله محكمة الأسرة أكثر من 180 مرة بسبب القضايا الكثيرة التى أقامتها مطلقته ضده، رغم حصولها منه على جميع حقوقها، واتفاقهما الودى عن تنازلها عن حضانة ابنتهما نظرًا لسفرها وانشغالها مع صديقاتها، ووفاة والدتها.
وتابع: "حاولت توسيط بعض المقربين حتى تتركنى دون أذى، لكنها أصرت بعد علمها بزواجى من غيرها، إذ طلبت منى إعادتها لعصمتى وتطليق زوجتى، وعندما رفضت أخذت طفلتى من المدرسة دون علمى وزعمت خطفها واتهمتنى بالإهمال، لكن جريمتها انكشفت بعد تحريض شخص لطلب فدية، ولولا تدخل أهلها لتركتها تسجن".
وأضاف: "وصل بها الجنون إلى حد القدوم لعملى والتعدى على بالضرب بمساعدة صديقاتها حتى تهيننى وتحرجنى أمام زوجتى التى تعمل معى فى نفس الشركة".
عدد الردود 0
بواسطة:
الشديد اوي
وسكت لها ليه
اللي يضربك اضربه انت ليه طري كدا
عدد الردود 0
بواسطة:
كابتن احمد
رجل محترم
لو القصة حقيقي كدة فانت رجل محترم فعلا وتصرفك وثباتك مع الموقف دليل رجولة.
عدد الردود 0
بواسطة:
منين نجيب الصبر
منين نجيب الصبر على الجبروت بتاع بعض الزوجات او الحموات او الرجال ايضا--يا حاج باسم انت فرط فى حقك
لقد ذكرت انها كانت تضربك كلما عاتبتها او وجهت نظرها للاهمال--يا راجل مش عيب تقول --بتضربنى--طب ان سكت لية من الاول ولا القط بيحب خناقة--لا لا لا يابا يا سى الحاج باسم من الاساس كان يجب ان يكون لك موقف حاسما حتى لو رفعت صوتها عليك مش بس تضربك --وعلى اساس اية تمد ايديها عليك انت ملكش ايدين ورجلين --ولا انت ولامؤاخذة معوق--هذة الزوجة افضل علاج ليها كان يجب ان يكون علقة محترمة تعيدها الى وعيها وان تدبح لها القطة من اول يوم مش تطاطى وتقول ضربتنى واهلها كانوا فين واهلك كانوا فين همة كمان ولا الجوازة دى كانت تخليص حق --فية حاجة غلط من ناحيتك وبنسبة مائة فى المائة--جعلتها تركب وتدلدل رجليها --نقطة الضعف اللى عندك لا تعالج هكذا بان تترك لها الحبل على الغارب طمعا فى رضاها واحتمال ان تتغير لخوفك على الطفلة --اللى يبيعك بيعة وببلاش كمان ووزع شربات علية بعد البيع وانت الكسبان بكل المقاييس على الاقل هتحفظ كرامتك ولا تتهان فى كل مكان
عدد الردود 0
بواسطة:
الشواف
تضربك
تضربك ازاي انت ايه بالظبط
عدد الردود 0
بواسطة:
احمد المصري
المرأة الحديدية
كان ناقص تغتصبه في الشارع....ده ايه الزمن ده ياربي....اللطف بينا
عدد الردود 0
بواسطة:
طرازان
180 مرة بـــــــــــــــــسسسسس !!!!!
ده انت عندك صبر ايوب ... و لما انت روحت المحكمة 180 مرة ... كان المفروض من سيادتك تاخد بطانية و مخدة و تنام على باب المحكمة مافيش داعى تروح بيتكم ... و اللطيف و الظريف منك أنك تتطلب من البعض بالتوسط لعدم ايذائك !!!!!! ده انت تستحق ميت علقة .... ياصبر ايوب
عدد الردود 0
بواسطة:
عبدالله
لا يفل الحيد الا الحديد
للصبر حدود علي راي الست ام كلثوم . . يا حبيبى . . خليك راجل واشرب بيريل .
عدد الردود 0
بواسطة:
ابن مصر
انتا من اتحت لها الفرصة
شخصيتك الضعيفة معها قبل الطلاق هى التى دفعتها ان تذلك بهذا الاسلوب ولا تظن انك مسالم انتا متحامل على نفسك اكثر من اللازم