ورقة وقلم
مشاركة
قلمى ياللى نزفك
بيعرّف الأمم
بصب حزنى فــيك
يروح منى الألم
واحلم معاك بـبكرة
تاخُدنى للقمم
بيك الكون بيصحى
وتبقى الضلمة نور
وبنرسم بيك حياتنا
والنبض فيك شعور
واحكى لك كل حاجة
فى أصعب الأمور
باتمنى تبقى جنبى
مصباح فى سكتى
أنت اللى بيك بتكبر
وتنوَّر كلمتى
كلمة بتهدى ظالم
وكلمة بتهدى عالم
وكلمة بتبقى نور
وتبدد فـى المظالم
قلمى ياللى نزفك
بيعرّف الأمم
بصب حزنى فــيك
يروح منى الألم
واحلم معاك بـبكرة
تاخُدنى للقمم
مشاركة
تم أضافة تعليقك سوف يظهر بعد المراجعة