تعاندى ما تعاندى
تزيدى أهوالى
تخدينى وتودى
والله ما أبالى
ما دمت متوكل
على ربى راح تسهل
ويا دنيا مش هـ أقبل
أرخص الغالى
*/*/*/*/
أنا صبرى صبار
فى الشدة صديق صادق
بنواصل المشوار
والبسمة ما تفارق
لا ألين ولا أسلم
مهما بتألم
م القسوة بتعلم
والحلم يحلالى
*/*/*/*/
أنا وأنت ع الوعد
يا بُكره مستنى
جى معاك السعد
قرب كمان منى
بالشوق هنتقابل
غيرك ما نيش قابل
طرح السنين شايل
والدنيا تصفى لى
عدد الردود 0
بواسطة:
على حسن
كلام جميل يدعو الى الصبر و التفاؤل بالقادم
كلام جميل يدعو الى الصبر و التفاؤل بالقادم. احسنت