رواد "فيس بوك" يتداولون بوست يشيد بقرارات تحريك أسعار الوقود لصالح الفقراء

تداول رواد مواقع التواصل الاجتماعى، منشورا أشادوا فيه بقرار الحكومة المصرية برفع جزء من الدعم عن المحروقات ومواد الوقود، مؤكدين أن هناك الكثير ممن يستحقون هذا الدعم.

وجاء فى المنشور المتداول: "متوسط السعر العالمي للبنزين أوكتان 92 دولار و40 سنت، حوالى 25 جنيها مصريا، يعنى كل واحد فينا بيمون لتر بنزين، حضرتك بتدفع 5 جنيهات والحكومة حتدفعلك 20 جنيها، طبعا إحنا بنقول الحكومة كأنها بتصرف من جيبها، اللفظ الأكثر دقة الشعب بيدفعلك 20 جنيها، بياخد من أولوياته ويدفعلك، يعنى عشان أطلع الساحل أتفسح أنا وأولادى من القاهرة باستهلاك منطقى 20 لتر وسرعة معتدلة الحكومة أو الشعب بيدفعلى 400 جنيه".

وأضاف المنشور: "امبارح كانت حتدفعلى  430 جنيه، أخذت مني 30 (20x1.5) ومازالت حتدفع 400 جنيه، قولى أنا أستحق الدعم، لو بمون 400 لتر فى الشهر  يعنى 8 آلاف جنيه، الحقيقة ناس كتير تستحق هذا المبلغ أكثر منى".

وتابع: "مين فيكم عنده الشجاعة الكافية ويقول هنا أنا لا أستحق الدعم، العيب إن كل اللى بيقوم الدنيا وبيشتكى قاعد جنبى فى الساحل وكلنا عارفين نمط استهلاكه وطريقة حياته، لكن يبقى دائما التحدى الرئيسى للإنسان عندما تتعارض مصلحته الشخصية مع المصلحة العامة، حتختار إيه؟ براحة على البلد، فى ناس كتير مبتصدق ومستنيالنا  على غلطة".

واختتم المنشور: "أرجوكم محدش يجيب سيرة الضرائب وإنه بيدفع ضرائب عشان أغلبنا بمنتهى الذوق فى اختيار اللفظ .. فى الاقتصاد الموازى".