عصام دويدار يكتب: احذفينى

الإثنين، 26 يونيو 2017 06:00 م

الفراق - صورة أرشيفية

احذفينى من حياتك

سطر سطر

خلى بالك

اوعى تنسى منى حرف

وإن سألكى حد عنى

قولى كان فى حياتى ظرف

قولى غلطة قولى غفوة

قولى كان عابر سبيل

أو محطة انتظار

وإنى لما سكنت قلبك

كنت ساكن فيه إيجار

قولى أى كلام فى حقى

وإنتى كلك كبرياء

ارفعى راسك وغطى

كل لحظات الرياء

حتى قلبك لو فى صفى

اوصفينى بالغباء

متخافيش لو حد قال لى

مش هجاوب

مش هرد عليكى أبدا

مش هجَرَّحْ بالتناوب