قال الدكتور عمرو عبد العزيز، استشارى النساء والتوليد بطب قصر العينى، إن الالتهابات المهبلية التى تصيب السيدة المتزوجة أو غير المتزوجة أو الحامل، هى عبارة عن إفرازات مختلفة عن الطبيعية التى ينتجها المهبل، حيث إنها تتحول من إفرازات شفافة وبلا رائحة أو لون، للون الأبيض أو الأصفر أو البنى، والذى يدل على وجود ميكروب، ويصاحبها حكة مستمرة.
وأضاف عبد العزيز، فى تصريحات خاصة لـ"اليوم السابع"، أنه فى حالة ملاحظة هذه التغيرات فى الإفرازات، فيجب اللجوء لطبيب النساء ووصف الحالة بالكامل له ليتمكن من التشخيص الصحيح، وغالبا ما تكون هذه الالتهابات مقترنة بالتهابات فى مجرى البول، لذلك يجب أن تخضع السيدة لتحليل بول، وإذا كشف عن وجود صديد أو أملاح فإنه يكون السبب وراء الالتهابات المهبلية أو العكس، وأيضا فى حالة الالتهابات المهبلية تؤثر أيضا فى حدوث التهابات بمجرى البول.
وأكد عبد العزيز أن علاج الالتهابات المهبلية يعتمد على تاريخ السيدة المرضى، خاصة فيما يتعلق بالمسالك البولية، والعلاج عادة ما يكون إما حبوب دوائية يوصفها الطبيب للمريضة أو تشطيف مهبلى أو لبوس أو كريمات للتخفيف من الالتهابات.
عدد الردود 0
بواسطة:
بنت مصرية
علامة مرضية !!
اضافة لكلام دكتور عمرو , احب اضيف نقطة فى غاية الأهمية , وهى ان الألتهابات المهبلية احيانا مبتكونش مجرد التهابات مهبلية , دى ممكن تكون مؤشر لضعف مناعة صاحبتها اللى ادى الى عدم قدرة جسمها على مقاومة الفطريات والبكتريا المسببة للألتهابات المهبلية , ضعف المناعة ده اما راجع لأسلوب حياة خاطىء زى استعمال المطهرات المهبلية بكثرة وبدون داعى , او الغسول المهبلى بصورة خاطئة بتدمر الوسط الكيميائى والحيوى للمهبل فمقاومته لمسببات الألتهابات تقل , أو نتيجة الأصابة بمرض السكر , الألتهابات المهبلية احيانا ممكن تكون هى العلامة الوحيدة اللى المريضة ملاحظاها لأصابتها بالسكر , يعنى ممكن تكون متعرفش ان سكرها عالى او ان عندها سكر , وكل شكوتها ان عندها التهابات مهبلية !! فالألتهابات المهبلية برغم شيوعها , الا انها مش عرض بسيط ممكن تجاهله او اهماله او استعمال الوصفات اللى بتنصحك بيها صاحباتك او قريباتك او المطهرات اللى بتشتريها من الصيدلية بدون وصفة طبية , وتفضلى تجربى وصفة ورا التانية ومطهر ورا التانى وتسمعى للى بتقولك عادى ما كل الستات بيحصلها كده !! الألتهابات المهبلية مرض يستوجب العلاج على يد طبيب متخصص لمعرفة السبب وعلاجه الصحيح , غير انها ممكن تكون نتيجة لمرض تانى لازم تعرفيه وتعالجيه علشان ميسببلكيش مضاعفات خطيرة وانتى مش عارفة انك مريضة بيه اصلا !! وربنا يديم الصحة والعافية على الجميع .