قال الإعلامى عمرو أديب، إن "95% من المصريين مش فاهمين حاجة وتلاقى حاجات غريبة وتلاقى واحد ماسك خريطة بيقول أهى مكتبة الكونجرس بتقول تيران وصنافير سعوديتان فهموا الناس يا جماعة، والقاعة بتاعت اللجنة التشريعية بتاخد 100 نائب، طيب بقيت النواب هيعرفوا من فين ويفهموا ازاى، النهاردة خلصت الجلسة بالهتاف، طيب الناس فهمت أيه؟ وعرفت أيه؟ انقلوا للناس، هاتوا كل الناس اللى بتقول إنها مصرية أو الناس اللى بتقول إنها سعودية، وهتخلصوا الموضوع".
وأضاف "أديب" خلال تقديمه برنامج كل يوم، عبر فضائية ON Live، بعد عرضه فيديو لمناقشة اتفاقية تعيين الحدود بالبرلمان، قائلا:" حد فهم حاجة ولو بالهتاف هنخلص، اقعدوا وافهموا ولما يجى يوم التصويت قول رأيك انما أيه ده اللى فى الفيديو، محدش قال كلمة توحد ربنا فى الاتجاه الصح، طب الناس فى الشارع تقول أيه".
تم أضافة تعليقك سوف يظهر بعد المراجعة