قال الإعلامى عمرو أديب، إن هناك ورطة قانونية فى اتفاقية تعيين الحدود بين مصر والسعودية، متعلقة بتوقيع الرئيس الأسبق محمد حسنى مبارك، عام 1990 على اتفاقية تعيين الحدود المصرية البحرية، وتابع:"يظهر اليوم أننا فى ورطة قانونية لها علاقة بالرئيس محمد حسنى مبارك، وأنه مضى سنة 1990 على اتفاقية تحديد الحدود البحرية المصرية ..بتحب مبارك أو بتكرهه كان بيمثل مصر وكانت مصر بتنزل ليه فى الشوارع وبتنتخبه.. وحتى الآن فيه ناس بتقول ولا يوم من أيامك يا مبارك.. فيه رئيس جمهورية مضى ولا أحنا هنلحس الأمضاء بتعتنا..طيب دى هنعمل فيها أيه".
بالفيديو..عمرو اديب بـ"ON Live": مبارك جلعنا فى... by youm7
وأضاف "أديب" خلال تقديمه برنامج "كل يوم"، المذاع عبر فضائية "ON Live"، وراديو نغم "FM"، أن الطريقة التى يتم بها مناقشة الاتفاقية تحت قبة البرلمان لن تؤدى إلى نتيجة، ولابد من متخصصين ومعنيين بالأمر يحضروا كافة الأوراق والمستندات المتعلقة بالأمر ويتم مناقشتها بدقة ومن ثم يتم تحديد موقف النواب على أساس، على أن يتم التصويت بأسم كل نائب، وتابع:"الرئيس مبارك بيده الكريمة مضى سنة 90 ..قولوا لينا هنحل الموضوع ده أزى..الموضوع معقد جداً مينفعش فيه القعدة الكبيرة دى.. التصويت يتم بالأسماء بعد مناقشة الاتفاقية بدقة ..أنتم شافين أن الناس اللى بتحكم البلد خونة وممكن تبيع البلد؟.. لابد من الإطلاع على كافة الأوراق والمستندات ودراستها بدقة ومن ثم يتم التوصل إلى رأى مبنى على أسس قانونية ووثائق رسمية".
ولفت "أديب"، إلى أن إحدى النائبات قالت لنائب معها اليوم أثناء مناقشة الأتفاقية"أنا جدى ضابط وعمى ضابط وعائلتى ضباط فى البحرية أنت مين أنت..طيب ده ماله ومال الاتفاقية؟".
وعرض الإعلامى عمرو أديب، جانب من الفيديوهات المسربة لمناقشة نواب البرلمان لاتفاقية تعيين الحدود المصرية السعودية والتى أظهرت حالة الشد والجذب الشديدة التى وقعت بين النواب.
عدد الردود 0
بواسطة:
محمود عبد الجواد
من دخل فيما لايعنية سمع مالايرضية
السيد عمرو أديب مع عدم احترامي لسيادتك لاأعتقد ان كلامك هذا يفيد البلد في شيئ وأنك تضرب بعرض الحائط بكل مايقوم بة المسئولون في الدولة رحتي جريدة الْيَوْمَ السابع الموقرة من مجهود مضني لشرح كل الأوضاع والملابسات بهذا الموضوع.للاسف ان الهرتلة الغير مسئولة تضر والتقيد في شيئ. اتمني من الجميع الصمت وترك الموضوع لأهل الخبرة والوطنيين من رجال مصر لحسم هذا الموضوع. وتحيا مصر ابية برجالها الشرفاء
عدد الردود 0
بواسطة:
essam
خلاصة الموضوع
التحكيم الدولى وبلاش تضيع قى وقت على الفاضى
عدد الردود 0
بواسطة:
Ahmed Ibrahim
كلاكيت عاشر مرة
مبارك للمرة العاشرة بتقولوا انه هو اللى عمل كل حاجة وانا معاكم هو اللى وقع على ترسيم الحدود وده عادى جدا .... مبارك وقع على ترسيم الحدود من سنة ٩٠ يعنى ٢٠ سنة لحد ما مشى من الحكم ولم تسلم الجزر للسعودية !!!! مبارك يا سادة مشى من ٧ سنين يعنى تقريبا مدتين رئاسة أمريكية مشى والاقتصاد زى الفل والسياحة ١٢ مليون سايح ف السنة والاحتياطي ٣٦ مليار والاسعار كلنا عارفينها وفاكرينها وممكن اشرحها بالتفصيل ده مبارك ممكن تقولوا لنا انتو ايه او مين او عملتوا ايه !!!!! يا ريت تسيبوا الراجل فى حاله وبلاش كل مصيبة تقعوا فيها تقولوا مبارك !!!!! خليكم فى العجن اللى بتعجنوه وسيبو الراجل فى حاله .... وزى ما قلت الراجل مشى من ٧ سنين يعنى مدتين رئاسة امريكى اطلعوا قولوا لنا عملتوا ايه غير رفع الاسعار والغلاء لحد ما خلاص طفح بينا الكيل ..... خليكم فى نفسكم و ف مشاكلكم اللى انتو بتخلقوها وهى غير موجودة لكن بعبقريتكم بتخترعوا المشاكل .....
عدد الردود 0
بواسطة:
فرعون
افه المصريين
افه المصرين بعد 25 يناير أن كلهم بيفهموا فى كل شئ و خصوصا أن هبوا علينا من حيث لا ندرى و هم معروفين بالاسم. اناستازيا أيام طابا ولا كنا نسمع غير رأى المتخصصين و بس حتى الصحفيين لم يفتر أح منهم فى الموضوع كما يحدث الآن. الناس كلها بقوا ثوار و واخدين المسألة بصوره عاطفيه ثوريه تحت شعار دى أرضنا و المضحك أن تقريبا 99% منهم لم يسمع عن أسماء الجزري و لا يعرف عنهم شئ. كان من المفترض أيضا أن لا يكون للقضاء دور و حتى النواب لنفس السبب. موضوع يحسمه المتخصصين و الباقى يصمت و كفانا ما حدث من فوضى بعد 25.
عدد الردود 0
بواسطة:
الملائكي الحارس
إرسلوا الإمضاء أولاً للخبراء !
لا يمكن التكهن بتاريخ الإمضاء و يجب إرسالها للخبراء لمعرفة تاريخ توقعيها هل هي حديثة أم منذ أكثر من 20 عاماً
عدد الردود 0
بواسطة:
مشمش
طب عبد الناصر قال ان الجزيرتين مصريتان..قبل مبارك ب ٣٠ سنه..١١
كلفا يا عمرو اديب تمثيل علينا.....موسولينى وهتلر والرفيق هولاكو ..ونيرون ملك روما..اقروا بمصريه الجزيرتين
عدد الردود 0
بواسطة:
طرازان
طرازان
تحياتى للسيدة المصرية / جيهان ... كلامك حيفضل رد على طول للافندى اللى عمال يشعلل ... ياعم الحج اركن حبه فى اى موقف ... و سيب البلد تمشى حبه
عدد الردود 0
بواسطة:
Professo Khatab
بلاش مهاترات فارغه بدون علم ومعرفه
واضح جدا ان الاستاذ عمرو يحتاج الي ان يقرا شيئا عن القانون الدولي الخاص بترسيم الحدود البحريه قبل ان يفتي .. فتوقيع الرئيس مبارك جاء حسب القانون الدولي ونتائج اللجان المصريه والتي قامت بتعيين نقاط الاساس ؟؟؟ وقد طلبت السعوديه بتعيين الحدود البحريه بينها وبين مصر لان مربعات التنقيب عن البترول للبلدين في الخليج تشابكت واحتاجت السعوديه لتعرف حدودها وهذا حقها ..