(تحية إلى شهداء الجيش المصرى)
دمك يا ولدى ..
مش هيروح هدر ..!
دمك يخضّر أوراق الشجر ..
دمك يكحل ضى القمر ..
دمك بيسقى عطش المطر ..
دمك رسمته ع جبين الحجر ..
دمك بيدفع عن سينا الخطر ..
***
دمك يا ولدى..
مش هيروح هدر!
دمك يحرر إرادة وطن..
دمك قوة تعدينا المحن..
دمك مسك يعطّر الزمن..
دمك وسام ع صدر الشجن..
***
دمك يا ولدى!
مش هيروح هدر!
دمك يحرر تراب الوطن..
دمك بيدفع عن سينا الخطر..
دمك بيكشف كل من غدر..
دمك بيغسل نفوس البشر..
دمك يا ولدى..
مش هيروح هدر!
****
دمك بيسقى ميّة المطر..
دمك يضوى نور القمر..
دمك يزهزه خضار الشجر..
دمك رسمته على كف الحجر..
دمك يا ولدى..
مش هيروح هدر!
**
