بالصور.. وزير التعليم: "الدروس الخصوصية تدمر الأطفال.. والتنسيق بيخلص عليهم"

عدد الردود 0

الدروس تدمر**كده حتزعل منك اسد العربى وحوت الفرنساوى وفهد الرياضه ونمر الانجيزى

وحيدخلوك الغابه ويفترسوك*****حال المدرسين عض قلبى ولاتعض دروسى***

عدد الردود 0

إلى الهلاك والجحيم يا تعليم

يا معالي الوزير حفلات التخرج في الجامعات الحكومية تتمثل في أغاني شعبية دون المستوى والطالب يرقص على تلك الأغاني التي للأسف (تتسخ بها الأذن) أمام أساتذة الجامعات ورؤساء الجامعات وهو يتسلم شهادة التخرج، وما خفي كان أعظم.

عدد الردود 0

مكتب التنسيق نظام فاشل فعلا !!

انا مع سيادتك فى ان كون الطالب يدخل الكلية وفقا فقط لمجموع درجاته فى الثانوية العامة أدى الى فشل كل من الثانوية والجامعة , لأن ده بيخلى الطالب فى الثانوية كل همه انه يصم الأجابات النموذجية اللى هيكتبها فى ورقة الأمتحان علشان يحصل أكبر قدر ممكن من الدرجات , وهارى نفسه دروس خصوصية ابتداء من الأجازة الصيفية , وعمال بيحفظ فى معلومات مش فاهم منها أى حاجة , وأصبح أجر المدرسين الخصوصيين بيتحدد على حسب قدرتهم على اجبار الطلاب على صم الأجابات النموذجية اللى هتحققهلهم أعلى درجات , ومكتب التنسيق بيوزع الطلاب على الكليات حسب الدرجات دى وبس , برغم ان المقررات اللى الطلاب جابوا فيها الدرجات النهائية دى مفيش أى علاقة بينها وبين نوعية الكليات اللى هيدخلوها !! يعنى مثلا ايه دخل درجات اللغة العربية والتاريخ والفلسفة بكليات الطب والصيدلة والهندسة والعلوم وغيرها من الكليات العلمية ؟؟ ممكن نلاقى طالب جايب درجات نهائية فى المواد العلمية وميقدرش يدخل كلية الطب لأن درجاته فى التاريخ أو اللغة العربية مثلا مثلا موصلتهوش لمجموع كلية الطب !! بينما الطالب اللى دخل كلية الطب تميز عنه بس فى انه قدر يصم كافة المناهج بما فيها اللغة العربية والتاريخ اكتر منه !! فالتنسيق بيوزع الطلاب على الكليات على حسب مجموع درجاتهم وملوش دخل اذا كانت مقوماتهم العلمية والشخصية تناسب الكليات دى وللا لأ !! والطالب كمان مبيختارش الكلية على حسب ميوله او رغبته الشخصية , انما بيختارها على حسب مجموعه , يعنى الطالب اللى جايب مثلا 99% علمى ممكن يكون بيحب التدريس ونفسه يبقى مدرس , ييجى ابوه يقوله ليه تدخل تربية لما مجموعك يوديك صيدلة !! فالولد يدخل الصيدلة اللى هو مش طايقها اصلا ويكمل مسيرة صم مقررات كلية الصيدلة , فيتخرج منها بعد خمس سنين صيدلى ميعرفش أى حاجة عن الصيدلة , وقيس على ده كل الخريجين فى جميع الكليات , الطالب بعد الثانوية بيكتب رغبات التنسيق مش على أساس هو عاوز ايه , انما على أساس مجموعه يوديه فيه !!ولهذا نلاقى انه قبل مكتب التنسيق كانت مصر عندها علماء فى جميع المجالات , من وقت ما اتعمل مكتب التنسيق واحنا عندنا خريجين انما معندناش متعلمين !! بقى كل مهمة الطالب من أول ما يدخل التعليم لحد ما يخرج منه انه يصم زى البغبغان من غير ما يفهم أى حاجة !!كل هدف التعليم بالنسبة له هو حصد الدرجات وبس , ومع مرور الوقت ابتدى يدخل الى الموضوع جانب مكيافيللى , وبقت الغاية تبرر الوسيلة !!ولأن الغاية دى هى جمع اكبر درجات مش التعلم , بقى فيه الغش , وبعده بيع الأمتحانات , وبعده تسريب الأمتحانات !!ولما بقية الدول عرفت عننا ده , ابتدت قيمة الشهادة الجامعية المصرية عندهم تقل , وبقوا يقولولك عاوز تشتغل عندنا يبقى تدرس مناهجنا من اول وجديد وتمتحنها من أول وجديد , وتنجح فيها وبعدين نشغلك , فبقى الطبيب المصرى لو عاوز يشتغل فى السعودية مثلا لازم يعمل المعادلة السعودية , فى امريكا يعمل معادلة امريكية , فى استراليا يعمل معادلة استرالية , وهكذا , وتعالى اتفرج بقى على الخريج ده وهو بيعمل معادلة من دول , تلاقيه غرقان فى شبر مية ومحتاس ويحسسك انك جبت خريج تجارة وبتدرسله طب !! مع انه مفروض انه درس نفس المعلومات دى قبل كده وامتحنها ونجح وممكن يكون من أوائل دفعته كمان !! مفروض ان دخول الكليات يبقى معتمد على اختبار قدرات يتعمل للطالب قبل دخول الكلية , بصرف النظر عن هو ناجح بكام فى الثانوية , والثانوية تبقى مرحلة تعليمية زيها زى غيرها , مش عنق زجاجة بيحدد الطالب ده يروح طب وللا تجارة !! لكن علشان النظام ده ينجح لازم كمان اسلوب التعليم نفسه يتغير , وميبقاش معتمد على التلقين بدون فهم زى ما هو متبع حاليا , والأمتحان يكون معتمد على الطالب فاهم ايه مش حافظ ايه , ومفيش حاجة اسمها اجابة نموذجية , اللى ممكن تخسر الطالب درجة السؤال لمجرد انه كتب نفس الأجابة ولكن بصيغة مختلفة عن اللى موجودة فى ورقة الأجابة النموذجية اللى اتصحح عليها الأمتحان !! تقدم اى بلد معتمد على تعليم اولادها , لكن لما يكون التعليم ده تعليم فعلا ويكونوا ولادها دول متعلمين فعلا , وتعليمهم ده يؤهلهم لسوق العمل , انما عندنا الخريج علشان يشتغل لازم يتعلم من جديد !! يبقى عملنا ايه بكونه معاه شهادة جامعية ؟؟ وعملنا ايه بأن جامعاتنا كل سنة بتخرج ملايين من الخريجين , اللى تيجى تشغلهم تلاقيهم ميعرفوش حاجة عن المجالات اللى مفروض انهم اتخصصوا فيها عن طريق الجامعة !! لو الطبيب دخل كلية الطب لأنه بيحب الطب وقدراته تتيحله دراسته وفهمه , وخريج التجارة دخل التجارة لأنه حاببها وقدراته تتيحلة دراستها وفهمها , هيبقى عندنا طبيب ناجح ومحاسب ناجح , انما حاليا الأتنين فشلة لأنهم دخلوا كلياتهم بحكم مجموعهم مش ميولهم وقدراتهم !! لازم نطور التعليم علشان يبقى تعليم فعلا , ونلغى مكتب التنسيق وأى طالب ناجح فى الثانوية يقدر يدخل أى كلية هو عاوزها طالما قدراته وميوله متوافقة معاها ,ويقدر يعمل ده فى أى سن يعجبه مش لازم بعد الثانوية , فنقلل التكالب على الجامعات اللى مخلى مفيش دفعة فى أى كلية بتقل عن 1500 طالب !! وبكده هنلغى كمان مافيا الدروس الخصوصية وصراع تحصيل المجاميع الخيالية , ونلغى شخصية نجيبة متولى الخولى اللى موجودة فى كل بيت مصرى , ويبقى عندنا خريجين يقدروا يخدموا بلدهم باللى اتعلموه , ويبقى مقياس التعليم هو التعلم , مش الشهادة .

عدد الردود 0

لأول مرة استبشر خيرا ربما تولد ذلك على اطار قول سقراط : تكلم كى أعرفك

فلأول مرة أسمع وزير لا يخطب ولا يغوط فى كلام انشائى وعبر تعبيرا علميا خبراتيا عن حقيقة التعليم فى مصر ويمثل معول ردم على كل ما قال وانتشى به من سبقوه وأتمنى من السيد رئيس الدولة أن يدعم هذا الرجل ويخوله كل صلاحيات عمل الوزير لا القائم بأعباء الوزارة !

عدد الردود 0

ياريت حد يقول للسيد وزير التعليم في المؤتمر الفخم أن مصر خلاص خرجت رسمياً من التصنيف العالمى للتعليم

ياريت حد يقول للسيد وزير التعليم و الناس الجميلة في المؤتمر الفخم ده أن مصر بالفعل خرجت رسمياً من التصنيف العالمى للتعليم خلاص!!! ياريت بس يرجعها جوا التصنيف تاني في المركز قبل الاخير زي مستلمها لو سمحت! وعلى البرلمان تقديم إستجواب عاجل لوزير التعليم بدون تأخير يوم واحد

عدد الردود 0

كل مؤتمر وانتم طيبين

كل مؤتمر وانتم طيبين. (كل) القيادات في الوزارة التي سنها أكبر من 50 سنة لابد أن ترحل. كيف لنفس الاشخاص و العقول أنا يغيروا الحال 180 درجة ؟ (لا نثق فيهم). اعطوهم مرتباتهم و هم في بيوتهم إلى أن يطلعوا معاش

عدد الردود 0

حكومات فاشلة من اول 1982 ووزراء تربية وتعليم لازم محاكمات شعبية لهم

الوزير الهمام اكتشف مؤخرا ان الدروس الخصوصية تدمر الاولاد وان مكتب التنسيق خراب ودمار هو لسه عارف الموضوع الان. المهم الحل ايه انا اري ان الحل ابلاغ الرقابة الادارية عن كل مدرس خصوصي لص يمتص دم الغلابة وكمان كل من هب ودب عمل نفسه مدرس نصاب يسرق اولاياء الامور بحجة انه جهبز وانه اسد وانه نابغة ياسادة انا لفيت بلاد كتير ما وجدت فساد اخلاق وتعليم مثل ما وجدته في بلدنا نحن في مستنقع كبير لايمكن الخلاص منه الا بالغاء التعليم نهائيا في مصر والاتجاه الي الفهلوة والشطارة وشغل النصب الذي نراه يوميا في بلادنا الخربانه مين قال ان خريج اقتصاد وعلوم سياسية يعمل سائق توكتوك مين قال ان اول خريجي كليات الحقوق لايعمل في النيابة والقضاء كله للمحاسيب وسلملي علي التعليم والتربية ياسادة فاقد الشئ لايعطيه الخراب حل ولا امل في الحل .

عدد الردود 0

مشروعك هذا سيقضى على أحلام وآمال الفقراء

ما تتحدث عنه شيء ظاهره الرحمة وباطنه العذاب ، أنت وسياسات الحكومات الفاشلة ستغتالون أحلام البسطاء في سبيل وجود فرصة في الحياة لدخول كلية بها فرصة للعمل مثل كلية الطب والهندسة و لكن تريدون أن تحرموا الفقراء والمهمشين من مزاحمة الأغنياء و أصحاب النفوذ الذين يدخلون الجامعات الخاصة بفلوسهم ، مكتب التنسيق هذا الذى فجأة اكتشفتم أنه غلط هو الطريق الوحيد والأمثل لتحقيق العدالة ، أما الحديث عن القدرات والابداع ومشروع نظام يقضى على الثانوية العامة هو بالفعل هو الطرقة المثلى للتخلص من الفقراء لأن هناك كليات بالفعل يتم دخولها بعيدا عن مكاتب التنسيق ولا يستطيع الانسان العادى دخولها ومعنى هذا أن الطالب المتفوق لن يستطيع أن يدخل الكلية التي يريدها لأن قدراته لا تؤهله لذلك أما أصحاب السطوة والنفوذ والواسطة والرشوة والمحسوبية هم بالطبع من سيحصلون على أفضل الفرص لأن قدراتهم المادية والعائلية ستمكنهم من تحقيق ما يريدون

عدد الردود 0

وقفه جادة بمرحلة التعليم الابتدائي

هل هناك بصيص أمل على التعليم العام الحالي؟نعم وألف نعم..كيف؟ هل لديك شك بأحد أبنائك الصغار متبلد دراسيا أو اجتماعيا؟ربما لكن الغالبية لكل من اعرفهم ذكاءهم مقبول إن لم يكن اعلي كثيرا؟ماذا يحدث لهم بالتعليم العام...يتم القضاء علي ذكائهم بالمرحلة الابتدائية إلا القليل ممن يتم حمايته عن طريق أولياء أمره.أما الغالبية فيكونوا ضحايا للمناهج الدراسية والمعلمين والكثافات والبيئة المدرسية نفسها وأحيانا الواقع الاجتماعي نفسه.والنتيجة 70 % منهم بالدبلومات الفنية والزراعية والتجارية والتي تم تجميل مسماها إلى الثانوية الصناعية والتجارية التي يفتقر طلابها إلى ادني حقوق التعلم القراءة والكتابة بالشكل الصحيح....الخ....ما هي الحلول لدى خبراء التربيه وبطرق علميه تربويه يعاد تطبيقها لتناسب الواقع المصري.فلنسلم جميعا أن أولى خطوات الإصلاح بالمنظومة التعليمية العامة هو التعليم الابتدائي ثم التعليم الابتدائي.....

عدد الردود 0

مش عارف ليه حاسس إنه مؤتمر لاصحاب المعاشات ؟

مش عارف ليه حاسس إنه مؤتمر لاصحاب المعاشات ؟