فيسبوك
واتساب
الإرهابى اللى قتل أطفالكم الأبرياء قبل صلاة الجمعة فى المنيا وهما رايحين يصلوا فى الدير!؟ الإرهابى ده ياما قتل وأعدم وذبح مصريين مسلمين لأسباب تخص تلاكيكه وأمراضه .
- إحنا كمصريين مسلمين بالنسبة للإرهابى ده مسلمين ضالين لو تمكن مننا هيلاقى قدامه عدة خيارات هيخيرنا ما بينها يا إما القتل أوالذبح .
- إحنا كمصريين مسلمين بالنسبة للإرهابى ده مشركين فى الأغلب الأعم، لأن عقيدتنا تختلف عن عقيدته ونستحق القتل والذبح فى نظره .
- إحنا كمصريين مسلمين بالنسة له هدف مؤجل مش حليف ولا أخ ولا حبيب .
- أنتم كمصريين مسيحيين ضحية آنية ومستعجلة، وإحنا كمصريين مسلمين ضحية مؤجلة حتى يجىء وقت التمكين!؟
- الإرهابى جوهر فكرته واحد مستبيحنا إحنا الاتنين .. عشان كده متتخدعش بمثيرى الفتنة اللى بيقولولك إنك مستهدف عشان إنت مسيحى .. الحقيقة إنت زينا مستهدف عشان إنت مصرى.
- جارى وصديقى وزميلى المصرى المسيحى شريكى فى الوطن .. جرحنا واحد ومعركتنا واحدة .
- ويارب إحفظ مصر والمصريين .
