أجرى المصارع المصرى المجنس فى بلغاريا طارق عبد السلام، حوارًا صحفيًا مع التليفزيون البلغارى باللغة البلغارية، حيث أكد خلال الحوار أنه بلغاريا أعطته فرصة لتحقيق حلمه، موجهًا شكره إلى مدربه الخاص أرمين نازاريان، مضيفا: "سأقاتل من أجل بلغاريا".
وأوضح اللاعب المصرى المجنس فى بلغاريا أنه يبلغ من العمر 23 عامًا وفاز ببطولة أوروبا والعالم، مشيرًا إلى أنه تعرض لإصابة خطيرة فى الركبة كادت تقضى على حلمه، ورفض اتحاد المصارعة فى مصر دفع الأموال لإجراء العملية الجراحية، وأجرى العملية بماله الخاص هنا فى بلغاريا، وأرتاح لمدة شهرين وبدأ فى التدريب مرة أخرى وبدأ القتال من أجل بلغاريا.
وأشار التليفزيون البلغارى إلى أن طارق تعلم اللغة البلغارية لمدة سنة واحد.
وكان قد نجح طارق عبد السلام المصارع المصرى المجنس باسم بلغاريا، فى الفوز بالميدالية الذهبية ببطولة أوروبا المقامة فى صربيا، بعد تغلبه على بطل روسيا تشينجيز لابازانوف فى المباراة النهائية بنتيجة 4-1 لوزن تحت 75 كجم.
عدد الردود 0
بواسطة:
محمد علي
مصر مش محتجالك !
مع السلامة في ستين الف داهية ، لتكون مفكر اننا حنجوع لو رحت تمثل بلغاريا ، احنا يابني متحملين كل مصايب البلد بس عمرنا مافكرنا نسيبها ، مصر في دمنا حقيقة تصبتها المواقف مش كلام وحجج
عدد الردود 0
بواسطة:
المصرى افندى
هو اتحاد المصارعة لسة قاعد ؟؟
بعد ان تسبب فى هروب وطفشان اكثر من مصارع لسوء المعاملة والكذب وعدم الاحتراف الادارى ليه الاتحاد لسه قاعد ؟
عدد الردود 0
بواسطة:
ايمن
الى رقم ١
حضرتك كنت عاوزه يعمل ايه؟! ده بطل عااااالم يا ناس ، اتحاد المصارعة رماه ولم يهتم لا بعلاجه ولا بعودته قبل ان يأخذ الجنسية البلغارية .. لازم يقاتل من أجل البلد اللى عالجه ودربه وخلاه وقف على رجله تانى ويكسب بطولة العالم !! هى دى الحقيقة الموجعه مع الأسف!
عدد الردود 0
بواسطة:
هشام أمين
حقك
حقك ، ولائك للبلد اللي قدرتك واحتضنتك، دة العقل والمنطق والاحتراف.
عدد الردود 0
بواسطة:
خالد حسن
بلغاريا يا معفن
بلغاريا يا معفن طب اختار دولة عليها العين . دول افقر منا بالف مره وفرحان قوى بيها .والوضح كده ان كل كلامه ده تلاكيك واذا اردت الحقيقه ففتش عن المراه اكيد اتعرف على واحده بلغاريه وشاف نفسه احمد زكى فى الفيلم بتاع المانيا وباع بلده علشانها .بكره تندم وتضرب نفسك 50 جزمه لما يرموك زى الكلب .
عدد الردود 0
بواسطة:
عايدة
***** استاذ خالد ****
تصدق معرفش يختار ...يعني لو اختار النرويج و لا الدنمارك ..كنا هنبقي مبسوطين و فرحانين اكتر من كدة ..مش مهم الدولة اهم حاجة الاتحاد اللي غلط و عدم الاهتمام بالاعبين لماذا لم يعاقب ..و لما كل الاعبين يطفشوا عادي .. دا احنا مش في دولة .. اين وزير الرياضة من هذة المهازل
عدد الردود 0
بواسطة:
أحمد
مهما كان خطأ الأتحاد فلا حجة لك
الإتحاد رفض علاجك دا خطأ بالتأكيد ويحاسب عليه الأتحاد لكن تصرفك لا علاقة له بخطأ الأتحاد، فقد كان يمكنك الشكوى لوزير الرياضة أو لرئيس الوزراء، اما هروبك وتجنسك خلال اشهر بجنسية اخرى فبكل تأكيد خطأ سوف تندم عليه بعد عدة سنوات لأنك مهما فعلت فسوف تظل مواطن درجة ثانية في بلغاريا أو اي بلد اخرى ولا يمكن أن يجد الأنسان وطن مثل مصر رغم كل ما به من مشاكل، سوف تدرك ذلك مع الأيام فهذه حقيقة مؤكدة وصل اليها كل من هاجر وترك مصر ولو بعد عشرات السنوات
عدد الردود 0
بواسطة:
ae
بوجى ونهلة رمضان .
اذكر انه من فترة بعد عودة ابطال المصارعة من احدى الالعاب الاولمبية وتقربيا كان الحوار على التليفزيون المصرى واشتكى اللاعبون من رئيس الاتحاد وابنه وكفاية كده .!!!
عدد الردود 0
بواسطة:
مصرى قرفان
طبعا عندك حق تماما ربنا معاك
كل الى بيهاجمك ناس مش فاهمه اى حاجه وبتهاجم وخلاص .....هو بلد لاتحتضن اولادها وترميهم فى الشارع فى عز البرد بمنتهى القسوه و الجبروت منتظره ايه مش ممكن طبعا ..........انت الى عملته صح جدا علشان بلد معندهاش ضمير ازاى تطلب من مواطنيها ان يكون عندهم ضمير لها
عدد الردود 0
بواسطة:
دولى
دى فى نصيبة اكبر كل الى بيقدم على فيزة اوربا سياحة مبيرجعش
بسبب كدة ناس كتير الايام دى بتخد رفض من السفارت عرفين الى مسافر ميش هيرجع