الصراحة بصراحة
جراحة
والكدب والغش
راحة
الكل بيخدع كله
ومفيش حد تقوله
الصراحة
الضمير كلام ع الورق
والحب إحساس اتحرق
والوقت أدامنا بيتسرق
ومفيش فى حياتنا راحة
الدنيا أيام بتدور
والكل عايش ف الدور
الحق ضعيف مكسور
والظلم عايش ببجاحة
كان فى حاجة إسمها حياء
كانت زى الهوا والماء
مات الدوا وعاش الداء
ومشاكلنا كبيرة وفضاحة
كان فى شىء اسمه الشرف
كان عايش بينا بس انحرف
مات دلوقتى وعاش الأرف
وبقولها وبكل صراحة
تم أضافة تعليقك سوف يظهر بعد المراجعة