الناس اللى فى الدنيا مش هما دول الناس
يا ناس دى ناس تانية لا قلب و لا إحساس
الناس اللى نعرفها سافروا وسابونا خلاص
نسينا أخلاقهم وإحنا يا ناس مش ناس
الدنيا اللى نعرفها يا ناس خلصت خلاص
أتبدلت أوصافها والقرش بقى الأستاذ
الشر مستشرى والخير خلاص روح
والعين بقيت تبكى والقلب متسوح
الطيبة مش قادرة وماشية تطوح
الناس بقيت فاجرة والشر بيترنح
فى ناس كانت صابرة ودلوقتى مش قادرة
عايزين يا ناس ثورة تحسن فى أخلاقنا
مش هى دى الدنيا اللى كننا نعرفها
الشر غيرها وبدل فى أوصافها
حرام حرام حرام حرام عليكم يا ناس
رضينا بالحرام و شيطاننا علينا فاز
أجيب منين كلام يصحى القلوب
والله يا ناس حرام نعيشها بالمقلوب
يا قلوب يا متخاصمين قولولى لحد فين
دى بتجرى بيننا السنين وإحنا مش حاسين
حرام حرام حرام، حرام عليكم يا ناس
والله بجد حرام ليه القرش بقى الاستاذ؟
