فيسبوك
واتساب
بالقســـوة لــيه بتعـامــــلوني
وأمّا افتكــــركم تنســونـــي
كــٌتر البـٌكا دوّبنى خـــلاص
والدمــعة جفـّت فى عـيونى
=======
مين بعـــد ابويا يراعــينـــى؟
وف حضــن حـٌبـّـه يـد فينى
فـى الحر ضلــٌّه يرطّـبنــــى
وف البرد عــطفـه يغطينى
=======
ليـــــــه الزمــن يغــدر بيـّـا؟
وقلوب الناس تأســى عليــّا
مـن غير ســبب ليه كرهوني
والغـلطــه محسوبـه عليـــه
=======
ليـه كل واحـــد قال إبنـــــي
وع المــعــــــدّيه يسـيـبنـي
يفرح بإبنـُه إن خد كومـُه
والعين تروح ع اللى ينوبني
=======
قــولوله مــره ياخـلـق الـلــه
يبقى ساعتها ياخدنى معاه
يكــــــفينـــى فضــــلة اولاده
وثوابه ح يكــون عند اللـه
=======
الكـــــل منـــــى بيتــــألّـّـم
ويمــشـــى من قبل ما سلـّم
يقــبل هزار غيرى وغــلطُه
ويشــتمنى من غير ماتكلم
=======
الصــبر طـــوّلهـــا عـليــّــا
والدنيـا ضلمـة فى عــنيـّـا
والخــلــــق منـى بتتـهـرّب
ما بتـنـشـحـتـش الحـنيــّه
=======
هـاتــى يادنيا كــتير هاتــي
وزوّدى ف لـيلــى اهـاتــي
مهـما الزمــن يغــدر بيـنــا
صابـر عـليــه انا واخـواتـي
=======
لا خال بيسـأل ولا عـمــيّ
ولاحـد يـوم بيــشيــل همي
مـن يوم ماودعـــنا ابويـــا
والحـمل زايد عــلــى أمـيّ
=======
ليــه يازمن منـتاش حـسّاس
تهـمـت امــى بأى أســاس
ويـوم ماتجرى على ولادها
ما تكـتفـيش بكــلام النــاس
=======
معانا الزمان صفىّ حسـابـُه
كل اللى نا وى عـليه جـابـه
ولـمّا سلـّـمــناله روحـــْــنا
بيعــضّــنــا ليــه بنيـــابــٌـه
=======
الخــلــق فتحـالنا عـنيهـــا
وكـــأننـــا مـن أعـاديــهـا
وفــكــّـرت أنهــــا دايمــــه
والكــاس مــا حايلف عليها
=======
يــادنيـــا ليــــه بتحاربيـــنا
وعن كل شــيء بتحاسـبينا
فى الـرّاحه دايما والجـــايه
بــكل قـســْـوة تســبـّينــــا
=======
بــاقـــول يـــارب تقـدّرنا
وتبعـد شرورهم عن دارنا
وتصــرف ازاهـم نواحـينا
واحـنــا بــس تصـّــبرنــــا
=======
ماحـــد غـيرك يراعــينــا
يـا رب ويحـــن عـــلــينــا
يكفــــينا عـطفـك وحـنانك
مافــيش غــيرك عالم بينـا
