مشهد غرفة نوم لشاب نايم فى سريره
يرن جرس منبه الموبايل
يقوم بسرعة يبص فى الموبايل
تمام يدوبك الحق
يقوم يدخل الحمام ويطلع منه بيتنشف بالفوطة
يقف قدام المراية ..... يسرح شعره ..... يرش من زجاجة عطر ريحتها جميلة أوى
يقف قدام الدولاب .....يا ترى ألبس إيه للمقابلة دى النهاردة؟؟؟؟ ...أه الطقم ده حلو
الهدوم مش فارقه صحيح للمقابلة دى ... ممكن أى هدوم ... بس أنا أحب أبقى فى أبهى صورة احتراما وتقديرا لأهمية المقابلة
يقف وهو بيفكر شوية ..... يا ترى حطلب إيه فى مقابلة النهاردة وحتكلم فى إيه؟؟؟
يراجع النقاط فى عقله بتركيز ..... تمام هى دى النقط اللى حتكلم فيها وأطلبها
يبتدى يروح لمكان المقابلة اللى هو عارفه كويس ..... وأول ما يوصل ويدخل
يبتدى يقف باحترام وتركيز .... ابتدت المقابلة المهمة .... حطلب اللى أنا عايزه أكيد
يبتدى يقول فى سره بدون صوت .....
نويت أن أصلى قيام الليل ... الله أكبر
نعم يا ساده إنها أعظم مقابلة واجتماع مع الله سبحانه وتعالى رب العالمين .....
كلمة وأطلب منه اللى أنت عاوزه فربك الكريم الذى لا يرد طلب ولا دعوة عبد من عباده لجأ إليه ووقف على بابه ...
سبحانك ربى ما أعظمك
تم أضافة تعليقك سوف يظهر بعد المراجعة