تسلم يا جندى البلد دى
ياللى بتضحى عشان مركب الأحلام تعدى
تسلم ويسلملى يمينك
تسلم البطن اللى شالت.. واللى ربت واللى قالت
مصر يابنى هيه دينك
تسلم الرايه اللى بترفرف فوق جبينك
ياللى خليت الحياة ف عيونا وردى
تسلم يا جندى البلد دى
ياللى بتضحى عشان مركب الأحلام تعدى
ياللى آمنت الجوامع والكنايس والحدود
ياللى وفيت الوعود
وقت ما احتشد الحشود
يا للى قولت الله أكبر
كلمه بتهز الأسود
م انت أقوى م الأسود
وأنت غالى برضه عندى
تسلم يا جندى البلد دى
ياللى بتضحى عشان مركب الأحلام تعدى
يسلم القلب الحجر
عمره ما اتهز لبشر
يسلم الدكتور والمهندس
يسلم الفلاح والصانع والمهندس
يسلم الإنسان الحقيقى
اللى عمره فيوم ما دلس
اللى عمره فيوم ما سلم للقدر
يسلم القلب الحجر
اللى قال راح ادوس واعدى
تسلم يا جندى البلد دى
يا اللى بتضحى عشان مركب الأحلام تعدى
وعدى بينا
ياللى حررت رمل سينا
من دواعش أو كلاب
جايه من برا تعادينا
من مخالب غوله حوله
جايه بالغدر ترازينا
ما أنت أخويا وأنت أبويا
وأنت قبطان السفينة
ومهما كان اسمك محمد ولا مينا
أنت راجل وابن راجل
برضه كان قد التحدى
تسلم يا جندى البلد دى
يا اللى بتضحى عشان مركب الأحلام تعدى
تم أضافة تعليقك سوف يظهر بعد المراجعة