خالد صلاح

بعد الحكم لها بـ300جنيه نفقة..مطلقة تبيع ملابسها وأثاث منزلها لإطعام أطفالها

الثلاثاء، 25 أبريل 2017 11:12 ص
بعد الحكم لها بـ300جنيه نفقة..مطلقة تبيع ملابسها وأثاث منزلها لإطعام أطفالها خلافات زوجية_أرشيفية
كتبت ــ أسماء شلبى

مشاركة

اضف تعليقاً واقرأ تعليقات القراء

لم تتصور الزوجة المعنفة "رشا" أن تصل إلى تلك المرحلة بعد أن اضطرتها الحاجة لبيع ملابس أطفالها وملابسها وبعض من أثاث المنزل الذى تزوجت به لتنفق على أولادها وتجد ما تطعمهم إياه بعض ادعاء زوجها قلة الحيلة وتقديمه شهادة فقر للمحكمة والقضاء لها بمبلغ 300 جنيه نفقة.

تقول "رشا ع" فى حديثها لـ"اليوم السابع": تزوجته 7 سنوات وأنجبت منه طفلان عشت معه فى قهر وذل وضرب وإهانة وحرمان، ولكنى تحملت من أجلهم ولم أطلب الطلاق يوما، ولكنه ذهب وطلقنى غيابيا لأعلم بعد اختفائه بعدة شهور الواقعة وأنه تزوج غيرى.

وتابعت الزوجة: أستغل ذهابى للحضانة لأجلب أطفالى لأعود وأجده قد ألقى جهازى من الشرفة ودمره وغير كالون الشقة، وتبرأ من أولاده وأتى بزوجته الجديدة لتعيش معه.

وأكملت رشا: زوجى ميسور الحال يملك أكثر من 3 محلات ولكنه عندما علم بإقامة أهل الخير دعوى نفقة لى لأجبره على تحمل مصاريف أولاده قام بتسجيل كل ما يملكه باسم شقيقه، وادعى الفقر، وأنه يأخذ الإحسان من أهله ليعيش، لتقضى محكمة الأسرة بزنانيرى مبلغ 300 جنيه كنفقة شهرية لنا.

وتابعت: أولادى محرومون ونعيش على صدقة زوجة أخى التى ترسلها لنا ودفعتنى الحاجة لبيع جهازى وبعض من ملابسى وأطفالى لكى أستطيع أن أطعمهم.

 


مشاركة

اضف تعليقاً واقرأ تعليقات القراء

الموضوعات المتعلقة


التعليقات 5

عدد الردود 0

بواسطة:

أيمن محمد

مطلقة تبيع ملابسها لاطعام اطفالها

ارسال رقم تليفونها لمساعدتها شهريا

عدد الردود 0

بواسطة:

مصري

اعلام يقوم بالتشويه المتعمد للرجال

كل واحد وله ظروفه وهناك عشرات الفقراء بمصر لماذا تهتمون فقط بالمطلقة!؟ ملايين القضايا بمصر ويحكم فيها بمئات وألاف الجنيهات وتنزع الشقق من الرجال ويرمون بالشوارع ده غير نفقات الملبس والمسكن والمدارس وأجر الرضاعة وأجر الحضانة اللي هي بتمنع الاب من رؤية عياله أساسا فتيجي سعادتها وتقولك 300 جنيه وهي واخدة نفقات تانية كتير شغل استهبال وترويج لان المطلقات مظلومات بغض النظر عن اللي بيشوفه رجال مصر في محاكم الأسرة المتحيزة للنساء بشكل صارخ الخبر ده معمول حتى لا يتعاطف المجتمع مع الظلم الحاصل لرجال مصر ويتعاطفوا مع المطلقات وأكيد الكاتب له علاقة بالمجلس القومي للمرأة أو الجمعيات النسوية الممولة

عدد الردود 0

بواسطة:

ناصر

كفاية قهر وتجني لرجال مصر

الراجل في مصر دلوقتى بيتخان وبينضرب من زوجته ولا حول له ولا قوة بسبب قوانين الاسرة ارحموا الراجل مش عارف يشوف اولاده ومحروم منهم خليتوا الست تغلط وتبوز الجواز وملهاش عقاب

عدد الردود 0

بواسطة:

امل محمد

المطلقه

مش مقتنعه باللي قالته لازم يكون فيه اسباب وبعدين ليه ما حولتش تدور علي شغل وتصرف علي اولادها هي مش اول واحده تكون مسؤل عن اطفال تعتبر جوزها ده ميت وكان معدم ولا يملك اي شئ مثل الكثير من الارامل وبحكم انه مطلقه ممكن تلجأ للشؤن الا جتماعيه وتصرف معاش حتي لو بسيط وتشتغل وتساعد بدل نظام الشحاته ده وتستني ان واحد يطلب رقم تليفونها عشان يساعدها قديمه اوي الطريقه يا استاذناالا اذا الخت صاحبه المشكله هي اللي عايزه كده وان ده الغرض من عرض مشكلتها ربنا يسترها معانا جميعا

عدد الردود 0

بواسطة:

محمد

الرجل المطلق مظلوم ...و محروم

قانون الأحوال الشخصية الظالم الحالى. ....لا يعطى اى حق للأب المطلق أو المخلوع. ....يعنى الهانم تخلع أو تجبره يطلقها. ..و هن أساتذه فى ذلك .....و يخسر الأطفال و الشقة و العفش و كل اللى صرفه علشان يتجوز. ...و يتحرم يشوف ولاده ...و رغم كده يصرف عليهم ...و تخليهم يكرهوا ابوهم و يشتموه و برضه يدفع نفقة و مصاريف مدارس ...الخ ايه الذل ده ...الرجل المطلق بقى عبد يباع و يشترى بسبب قانون سوزان الظالم....ما تعدموا الأب المطلق و تريحوه. ...و إنسوا يبقى فيه جواز. ..كده باب الحلال بيتقفل و لا حول و لا قوة الا بالله

اضف تعليق

تم أضافة تعليقك سوف يظهر بعد المراجعة





لا تفوتك
الرجوع الى أعلى الصفحة