يا عم يا دفان
ابنيلى قبرى
مليت انا احزان
وفاض صبرى
كل يومين بنترحم
على رماد ومتفحم
وام دنيا عطشانه
وعلى الدم بتتوحم
ملاعين من تراب
وبيخلقوا الاسباب
كفروا بالاديان
وبيعبدوا الارهاب
يا عم يا دفان
معدش بينا امان
الغدر فيها محاوطنا
والقتل ف كل مكان
ارهابى خان بيهد
بانى ل عدوه سد
خايف منه يقرب
ل بالف ضربه يرد
بيحرق ف اخوه ويفجر
بيسمى عليه ويكبر
فاكر انه رب الكون
وعن غضبه وبيعبر
ياعم يا دفان
دفنت كام انسان
منايا يجينى الدور
وليك هروح اجرى
ياعم يا دفان
ابنيلى قبرى
مليت انا احزان
وفاض صبرى
تم أضافة تعليقك سوف يظهر بعد المراجعة