انت يا عم الحبيب
المسمار على العربية تخريب
انت بتكتب عليها ذكرى
دي غباوة على فكرة
فاكرها حداقه ولا شطارة
دي حماقة خلاصة العبارة
وانت يلي بتكسر المساحات
وتستخدمها في الخناقات
لما المطر يمطر عليها
يدعو عليك بالساعات
وانت يلي بتخبط وماشي
انت ايه سايق مواشي
اقل حاجة تكتب اعتذار
او تليفونك لو وراك مشوار
الاذى ما في اسهل منه
والاحترام ما في غنى عنه
حرام عليك دي بفلوس
مش جايه بعفريت وفانوس
دي جايه بتعب وشقى
وسنين صبر كتير وشكى
وانت يلي تزنق على التاني
امشي عدل ما تبقى اناني
ها تفرح لما يعمل حادثة
والعياذ بالله تتقلب بكارثة
و يلي حاجز قدام بيتك
علشان تركن فيها عربيتك
فكر قبل ما تخرب شارع
وعلى الركنة تتخانق وتتصارع
على فكرة
السواقة اصول وادب
مش طولة لسان وقلة أدب
أنت يلي و يلي و يلي
استحملناك كتير تملي
وانت سايق في الهبل
كفاية بقى هبل في الجبل
