فيسبوك
واتساب
على كل قرية وكل كفر و كل عزبة
يافطه بيضا ومن عنيها نازله دمعة
واسم الشهيد بالنور يقيد فى حياتنا شمعة
كان ذنبه إيه الموت يجيه طالب فى جامعة ؟
و يصرخ أبوه و يقول يا هوه والأم سامعة
تبكى عليه وتقول يا بيه أنا نارى والعة
إرهاب خبيث قاتل عريس والقتل صنعه
قاتل خسيس كاره لجيش ودماغه ضايعه
جندى شاويش ظابط بوليس والضربه واجعة
ليه فى كل بيت موجود شهيد و حيطانه دامعة
تبكى بحراره تقول يا جاره كان صيت وسمعة
كان واد جميل شهم وأصيل أخلاقه روعة
أدى الجنود حارسين حدود والهمه باينة
يجى خسيس يخون بوليس ويبيع فى ثانية
إيه قصده إيه ؟ و بإيده ليه ؟ أرواحنا فانية
إن كان شيطان على أصله بان وغار فى داهية
و بكره وراه من كان معاه دول زرعه خايبة
و تعيش بلادى جوه فؤادى مكانه عالية
يا مصر كونى وأوعى تهونى دى الفرحه غالية
و إن راح شهيد مجدك يزيد بدماء ذكية
تكتب تاريخ بكلام صريح للمصراوية
الدم فيه ترمى عليه مليون تحية
وتعيشى لينا أجمل سفينه ع البر راسية
برك أمان حضنك حنان زى زمان ول أنتى ناسية؟
