فيسبوك
واتساب
نفس العمود يا كنيستى
نفس العمود
بالدم متلون لكن مايتهزش
شهداء ماتتعدش
موكب طويل ممتد
مركب شراعه اتشد
رايح ومش هيعود
شاهد نفس العمود
سامع صدى الألحان
حاسس دفا الإيمان
احضن أوى الأشلاء
دى لألئ الشهداء
رب العباد موجود
اثبت هناك يا عمود
ثابت ومش هتميل
معلش . . حمل تقيل
مع ربنا . . . . هيهون
اديله عمرى كله
وأفضل إليه مديون
مادد له إيدى بدعا
ضربات شيطان موجعة
ثبتنى وقت المحنة
شيل من قلوبنا الخوف
افتح عيونا نشوف
إن الحياة لحظة
وربنا موجود
نفس العمود يا كنيستى
نفس العمود
بالدم متلون لكن مايتهزش
شهداء ماتتعدش
موكب طويل ممتد
مركب شراعه اتشد
رايح ومش هيعود
