تاريخ طويل يِجمع بينّنا------ وشمس دفّت مدايينّا
وعزم مصر بلدنا شديد-----وحمدى ماسك إيد حنّا
******
حتى القمر طلّ علينا-------سلام وأمن على وادينا
لقا التروس بتلفّ تدور-----بجهود مجاهد مع مينا
******
ونيلنا داخل فى الشرايين----عصب وأخلاق مصريين
وتطلع الضِحكة تدوّى-----ترقّص الموج فى البحرين
******
وهانى رمزى مع السقّا------وشقة بابها قُصاد شقة
لو اجتمعنا مايعرف مين-------الانتماء لو بمشقة
*****
وف الحروب تِلقى إيدينا----ماسكة الزِناد وبتحمينا
والدم سايل فى قنالنا—----وف العبور اسألوا سينا
******
دا الشرّ أبداً مهما يكون----مايفرّقك ياعروس الكون
يامصر والمولى حماكى---ومسجّلك فى كتب ويصون
عدد الردود 0
بواسطة:
السيد عبد الفتاح
حلوة جدا
زجل وينفع أغنية بنفس الوقت تحيا مصر
عدد الردود 0
بواسطة:
Samah mahamad
رائعة تحيا وحدة مصر
جميلة بجد تسلم