طلعت صليب يكتب: استنى يا صندوق

الخميس، 13 أبريل 2017 02:00 ص

نعش أحد شهداء الكنيسة

اضف تعليقاً واقرأ تعليقات القراء

استنى يا صندوق استنى ..

ابنى دا اللى واقف بعيد..

وإزاى بس وخدنى الجنة..

وسايب ابنى دموعه تزيد..

لا دا أنا هحضن ابنى وهبكى..

وإزاى بس وأنا أشلاء..

روح يا صندوق أنت اسبقنى..

وأنا هفضل على الأرض شوية معاه..

صبرنى يا رب دا أنا قلبى بيتقطع..

نفسى أرجع أحضن ابنى اللى بيتوجع..

استنى يا صندوق استنى..

جوزى واقف مغلوب على أمره..

وإزاى بس وخدنى الجنة..

ومين بعدى يهتم بأمره..

استنى يا صندوق استنى..

ولا أقولك امشى بسرعة..

ودينى قوام على الجنة..

احكى لربنا على اللى ظلمنا.